26.06.2026 | 22:30
Գիտնականներն արհեստական բանականության միջոցով ընթերցել են Վեզուվ հրաբխի ժայթքման ժամանակ այրված հին մագաղաթը
Վթար Սևան-Իջևան ավտոճանապարհին
23.09.2024 | 20:21
Սեպտեմբերի 23-ին՝ ժամը 16։34-ին, Գեղարքունիքի մարզային փրկարարական վարչության ճգնաժամային կառավարման կենտրոն ահազանգ է ստացվել, որ Սևան քաղաքի սննդի կետից դեպի Իջևան քաղաք տանող ավտոճանապարհին բեռնատար է կողաշրջվել․ անհրաժեշտ է փրկարարների օգնությունը։
ՆԳՆ ՓԾ-ից տեղեկացնում են, որ դեպքի վայր է մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ:
Պարզվել է, որ Սևան-Իջևան ավտոճանապարհի մոտ 80-րդ կմ-ի մոտակայքում բախվել են «Ford» մակնիշի ավտոմեքենան (վարորդ՝ Ս․ Հ․, ծնված 1990 թ.) և «Iveco» մակնիշի գազ տեղափոխող բեռնատարը (վարորդ՝ Մ․ Գ․, ծնված 1983 թ.)․ շարունակելով ճանապարհը՝ բեռնատարը դուրս է եկել ճանապարհի երթևեկելի հատվածից և կողաշրջվել. ավտոբաքից տեղի է ունեցել դիզվառելիքի արտահոսք։
Շտապօգնության աշխատակիցները բեռնատարի վարորդին տեղում ցուցաբերել են բուժօգնություն։
Փրկարարները սահմանազատել են տարածքը և կատարել ճանապարհահատվածի լվացման աշխատանքներ։
