06.11.2026 | 23:24
Նոյեմբերի 7-ին ՊԵԿ էլեկտրոնային համակարգերը երկու ժամով անհասանելի կլինեն
ՌԴ-ն հայտնել է Կուրսկի շրջանում Ուկրաինայի ԶՈւ հարձակման հետևանքով 56 խաղաղ բնակչի զոհվելու մասին․ Ուկրաինան պատասխանել է՝ հետևում է միջազգային իրավունքին
Քաղաքականություն
23.09.2024 | 22:01
ՌԴ ԱԳՆ-ն հայտնել է, որ ուկրաինական հարձակման հետևանքով Կուրսկի շրջանում զոհվել է առնվազն 56 խաղաղ բնակիչ, վիրավորվել՝ 266-ը։ Այս տվյալները վերաբերում են մինչև սեպտեմբերի 20-ն ընկած ժամանակահատվածին, իսկ սեպտեմբերի 5-ի դրությամբ՝ ՌԴ ԱԳՆ-ն հայտարարել է Կուրսկի շրջանում 31 խաղաղ բնակիչների մահվան մասին, հայտնում է Reuters-ը։
ՌԴ ԱԳՆ-ի տվյալներով՝ 131 հազար բնակիչ լքել է այն տարածքները, որտեղ ռազմական գործողություններ են ընթանում։ Մոսկվան նաև մեղադրել է Ուկրաինային մի շարք խաղաղ բնակիչների տարհանմանը խոչընդոտելու համար, այդ թվում՝ Ուկրաինայի զինված ուժերի կողմից օկուպացված Սուջա քաղաքի մոտավորապես 70-120 բնակիչների:
Այս հայտարարությունները մեկնաբանելու խնդրանքին ի պատասխան՝ Ուկրաինայի ԱԳՆ խոսնակ Գեորգի Տիխին Reuters-ին ասել է, որ Ուկրաինայի զինված ուժերը հետևում են միջազգային մարդասիրական իրավունքին և չեն հարվածում խաղաղ բնակչությանը։
«Քանի որ Ռուսաստանը մշտապես կեղծ թվեր և քարոզչություն է մատուցում, այդ պնդումները ստուգելու ոչ մի միջոց չկա։ Եթե Ռուսաստանը ցանկանում է տեղում ցույց տալ իրական իրավիճակը, կարող է մուտք գործել ՄԱԿ և Կարմիր խաչ», – ասել է Տիխին:
Ուկրաինայի զինված ուժերի հարձակումը Կուրսկի շրջանում սկսվել է օգոստոսին։
Թարգմանությունը՝ Տաթև Ֆռանգյանի
