22.11.2024 | 18:24
Ալիևը հայտարարել է, թե Հարավային Կովկասում բարենպաստ պայմաններ են ստեղծվել խաղաղության համար
Հնդկաստանում հայտնաբերվել է կապիկի ծաղիկի նոր շտամով վարակվելու առաջին դեպքը
Քաղաքականություն
23.09.2024 | 22:58
Հնդկաստանում գրանցվել է կապիկի ծաղիկի նոր տեսակի՝ mpox сlade 1 վարակի առաջին դեպքը, հայտնում է Ani գործակալությունը՝ վկայակոչելով պաշտոնական աղբյուրները։
«Հնդկաստանը հայտնում է сlade 1 կապիկի ծաղիկի առաջին դեպքի մասին, որը գրանցվել է անցյալ շաբաթ Քերալա նահանգի Մալապպուրամ քաղաքում: Հիվանդը 38-ամյա տղամարդ է, որը եկել է ԱՄԷ-ից»,- ասվում է հայտարարության մեջ։
Գործակալության զրուցակիցների խոսքով՝ հիվանդի մոտ դրսևորվել են ջրծաղիկին նմանվող ախտանիշներ՝ բարձր ջերմություն և մարմնի ցան։ Բժիշկները նմուշներ են ուղարկել անալիզի համար։
Պաշտոնական աղբյուրների համաձայն՝ Հնդկաստանում սա 1b դասի կապիկի ծաղիկի գրանցված առաջին դեպքն է։ Գործակալությունը հիշեցնում է, որ սա նույն շտամն է, որի համար ԱՀԿ-ն օգոստոսի 14-ին արտակարգ դրություն է հայտարարել Աֆրիկայում այս հիվանդության հետ կապված իրավիճակի պատճառով։
Թարգմանությունը՝ Տաթև Ֆռանգյանի
