22.01.2026 | 19:31
«Հանրապետություն» կուսակցությունը մասնակցելու է խորհրդարանական ընտրություններին
Հայտնի է Ադրբեջանի խորհրդարանի նոր ղեկավար կազմը
Քաղաքականություն
23.09.2024 | 16:26
Ադրբեջանի 7-րդ գումարման Միլլի Մեջլիսի այսօրվա առաջին նիստում Սահիբա Գաֆարովան վերընտրվել է խորհրդարանի նախագահի պաշտոնում։ Նրան այդ պաշտոնում առաջադրել են խորհրդարանական մեծամասնության՝ իշխող «Նոր Ադրբեջան» կուսակցության պատգամավորները, հայտնում են ադրբեջանական լրատվամիջոցները։
Իշխող կուսակցության ներկայացուցիչ Ալի Ահմեդովն ընտրվել է խոհրդարանի առաջին փոխխոսնակ։ 2018-2024 թվականներին նա եղել է փոխվարչապետ, իսկ մինչ այդ՝ «Նոր Ադրբեջան» կուսակցության փոխնախագահ-գործադիր քարտուղար։
Ադրբեջանի իշխող կուսակցության ևս մեկ ներկայացուցիչ՝ Զիյաֆեթ Ասքերովը, դարձել է խորհրդարանի փոխխոսնակ։ Նա 2005-2020թթ. զբաղեցրել է խորհրդարանի առաջին փոխխոսնակը։
Խորհրդարանական փոքրամասնության կուսակցություններից փոխխոսնակ է ընտրվել «Քաղաքացիական համերաշխություն» կուսակցության անդամ Ռաֆայել Հուսեյնովը, իսկ «անկախ» կուսակցություններից՝ Մուսա Գասիմլին։
Հիշեցնենք, որ Ադրբեջանի Մեջլիսի արտահերթ ընտրություններն անցկացվեցին սեպտեմբերի 1-ին։
Թարգմանությունը՝ Էմմա Չոբանյանի
