09.08.2026 | 15:31
Հրդեհը բռնկվել է տանը կից շոգեբաղնիքում․ ՆԳՆ
Բրյուսելում Նալբանդյան-Մամեդյարով հանդիպումից հետո ԵԱՀԿ ՄԽ համանախագահները հայտարարություն են տարածել
Քաղաքականություն
12.07.2017 | 12:14
ԵԱՀԿ Մինսկի խմբի համանախագահներ՝ դեսպան Իգոր Պոպովը՝ Ռուսաստանի Դաշնությունից, դեսպան Ստեֆան Վիսկոնտինը՝ Ֆրանսիայից և դեսպան Ռիչարդ Հոգլանդը՝ ԱՄՆ-ից Բրյուսելում հանդիպել են Հայաստանի և Ադրբեջանի արտգործնախարարների հետ՝ քննարկելու ԼՂ հակամարռության կարգավորման ուղղությամբ հետագա աշխատանքի ընթացքը: Հանդիպմանը մասնակցել է նաև ԵԱՀԿ գործող նախագահի անձնական ներկայացուցիչ Անջեյ Կասպրշիկը:
Ինչպես նշվում է հաղորդագրությունում, նախարարները համաձայնել են փոխանցել իրենց նախագահներին ավելի ուշ՝ այս տարվա ընթացքում նախագահների մակարդակով հանդիպման մասին համանախագահների առաջարկը: Համանախագահներն իրենց օգնությունն են առաջարկել հանդիպման կազմակերպման հարցում:
Նշվում է, որ հանդիպմանը քննարկվել է նաև շփման գծում ներկայիս իրավիճակը:
Նախարարները և համանախագահները համաձայնել են կրկին հանդիպել սեպտեմբերին Նյու Յորքում՝ ՄԱԿ-ի գլխավոր վեհաժողովի 72-րդ նստաշրջանի շրջանակում:
