14.01.2026 | 21:13
Փաշինյանը ծանոթացել է Դեղերի և բժշկական տեխնոլոգիաների փորձագիտական կենտրոնի բարելավված պայմաններին
Էրդողանը հայտարարել է, որ Հայաստանի և Ադրբեջանի հետ Հարավային Կովկասում մշտական խաղաղության ու կայունության հասնելու հնարավորություն են ստացել
Քաղաքականություն
23.09.2024 | 12:22
Թուրքիայի նախագահ Ռեջեփ Թայիփ Էրդողանը, որը Նյու Յորքում է՝ մասնակցելու ՄԱԿ-ի 79-րդ Գլխավոր վեհաժողովին, ելույթ է ունեցել Թուրքական տանը ԱՄՆ-ում գործող որոշ վերլուծական կենտրոնների ներկայացուցիչների հետ հանդիպմանը, գրում է Անադոլու գործակալությունը։
Նա անդրադարձել է նաև Հայաստանի ու Ադրբեջանի միջև խաղաղության գործընթացին։ Էրդողանն ընդգծել է, որ Ադրբեջանի և Հայաստանի հետ միասին Հարավային Կովկասում մշտական խաղաղության և կայունության հասնելու կարևոր հնարավորություն են ստացել։ Ըստ Էրդողանի՝ «Բալկաններում կառուցողական դիվանագիտության և Մերձավոր Արևելքում խաղաղություն և կայունություն հաստատելու ջանքերի շնորհիվ Անկարան ամրապնդել է իր տարածաշրջանային դերը»։
Էրդողանը հայտարարել է, որ Թուրքիայի հիմնական սկզբունքներն են՝ ամրապնդել բարեկամությունը, նվազեցնել տարաձայնությունները և ապահովել խաղաղություն, և որ Թուրքիան անփոխարինելի պայման է համարում հարգանքը միջազգային իրավունքի, պետությունների ինքնիշխանության և տարածքային ամբողջականության նկատմամբ։ Ըստ նրա՝ ժամանակակից աշխարհում այդ սկզբունքներն առավել, քան երբևէ անհրաժեշտ են։
Թարգմանությունը՝ Էմմա Չոբանյանի
