18.05.2026 | 23:42
«Անկախ դիտորդ»-ը պահանջում է ազատ արձակել Արթուր Օսիպյանին և պարզաբանում տալ նրա ձերբակալության հիմքերի վերաբերյալ
Նիկոլ Փաշինյանը՝ ԱԱԾ տնօրենին և ՀՔԾ պետին գաղտնալսելու և ձայնագրության մասին
Քաղաքականություն
11.09.2018 | 14:49
Վարչապետ Նիկոլ Փաշինյանը ֆեյսբուքյան ուղիղ եթերում քիչ առաջ անդրադարձավ ԱԱԾ տնօրենին և ՀՔԾ պետին գաղտնալսելուն և համացանցում տարածված ձայնագրությանը։
Անդրադառնալով ձայանգրության այն հատվածին, որտեղ ԱԱԾ պետն ասում է, որ դատավորը զանգել է իրեն, ինքն էլ ասել է , որ կալանքն ուզած-չուզած պետք է տա, Նիկոլ Փաշինյանը շեշտեց, որ դեռ օգոստոսի 17-ին Հանրապետության հրապարակում հայտարարել է, որ, ընդհանուր առմամբ, Մարտի 1-ի գործը բացահայտված, է և բոլոր մեղավորները պետք է կանգնեն դատարանի առաջ, այսօր ևս մեկ անգամ կրկնում է, որ այդ ամենով հանդերձ, հրաժարվում է դատական համակարգին տալ հրահանգներ․
«Մենք հրաժարվել ենք դատական համակարգին տալ հրահանգներ, բայց դա չի նշանակում, որ դատական համակարգից տարբեր մարդիկ չեն զանգել մեզ և ասել, բա էս գործով ի՞նչ անեմ, խնդում եմ ասեք»,-ասաց վարչապետը։
Նիկոլ Փաշինյանը, մասնավորապես, նշեց․ «Մարդիկ զգում են՝ այդ մարդկանց անունները կոնկրետ են՝ Սերժ Սարգսյան, Ռոբերտ Քոչարյան, Հովիկ Աբրահամյան, Գագիկ Խաչատրյան, Մանվել Գրիգորյան, Տարոն Մարգարյան, որ իրենց թալանածը պետք է վերադարձնեն և փորձում են այդ պրոցեսը կանգնացնել գաղտնալսումներով»։
Նիկոլ Փաշինյանը նաև հայտարարեց, որ իրենք շանտաժի չեն տրվելու և մարդասպանները պետք է կանգնեն դատարանի առաջ, իսկ թալանվածը պետք է հետ վերադարձվի։ Նա ընդգծեց, որ այս ընթացքում տարածվում են լուրեր նաև իր ընտանիքի անդամների վերաբերյալ, իսկ նման լուրեր տարածողների նպատակը մեկն է․ «Ուզում են ճողոպրել պատասխանատվությունից»,- ասաց վարչապետը՝ շեշտելով, որ այս ամեն ինչը նրա արդյունքն է, որ ինքը թալանչիների հետ կոմպրոմիսի չի գնում և չի էլ գնալու։
«Հայաստանի քաղաքացիներին գնդակահարածը պետք է պատասխան տա, երևանցիների պատուհանների վրա ավտոմատներով կրակածը պետք է պատասխան տա, օլիգարխների թիկնապահներին զենք բաժանածն ու ժողովրդի վրա կրակելու հրահանգ տվածը պետք է պատասխան տա»,- ասաց վարչապետը։
