15.12.2025 | 19:29
NAN-ի վտանգավոր խմբաքանակները Հայաստան չեն ներմուծվել. ՍԱՏՄ
«Մեր նպատակն է զինադադար և կայունություն ապահովել Իդլիբում». Թուրքիայի պաշտպանության նախարար
Քաղաքականություն
11.09.2018 | 13:14
Սեպտեմբերի 10-ին, Անկարայում Աֆղանստանի արտակարգ և լիազոր դեսպան Աբդուլ Ռահիմ Սայեդ Ջանի հյուրընկալությամբ Աֆղանստանի անկախության 99-րդ տարեդարձին նվիրված միջոցառում է կազմակերպվել, որին ներկա են գտնվել նաև Թուրքիայի պաշտպանության և ներքին գործերի նախարարները. փոխանցում է ermenihaber-ը:
Թուրքիայի պաշտպանության նախարար Հուլուսի Աքարը լրագրողների հետ ճեպազրույցում, պատասխանել է Իդլիբի իրադարձություններին և թուրք-աֆղանական հարաբերություններին վերաբերող հարցերին:
Աքարը հայտնելով, որ Աստանայի գործընթացի շրջանակներում զինադադար է հաստատվել, ասել է. «Թե՛ ցամաքից և թե՛ օդից իրականացվող ռազմական գործողությունները պետք է անմիջապես դադարեցվեն: Մեր նպատակն է զինադադար և կայունություն ապահովել Իդլիբում»։
Նրա խոսքով` զինադադարի խախտման դեպքում, քաղաքացիներից ամենից շատը տուժում են երեխաները և ծերերը:
«Մեր պայքարը Ալ-Կաիդայի նման ահաբեկչական խմբավորումների դեմ, ինչպիսիք են գյուլենականները, «Քուրդիստանի բանվորական կուսակցությունը» (ՔԲԿ/ PKK), «Իսլամական պետությունը» (ԻՊ) շարունակվում և շարունակվելու է այքան ժամանակ, քանի դեռ չի ոչնչացվել վերջին ահաբեկիչը»:
Նախարարը անդրադառնալով թուրք-աֆղանական հարաբերություններին, ընդգծել է, եթե ՆԱՏՕ-ն և դաշնակից ուժերը լքեն Աֆղանստանը, ապա դրանից հետո նույնպես Թուրքիան կշարունակի համագործակցությունը:
