23.06.2026 | 10:59
Հորմուզի նեղուցը կկառավարվի Թեհրանի կողմից․ ԱՄՆ-ի հետ կապի գիծ կստեղծվի․ Ղալիբաֆ
ԵՄ-ն կարող է դադարեցնել Վրաստանի համար առանց վիզայի ռեժիմը
Քաղաքականություն
20.09.2024 | 18:39
Եվրամիությունը պատրաստ է պատշաճ կերպով արձագանքել Վրաստանում տեղի ունեցող իրադարձություններին։ Politico-ն, վկայակոչելով Եվրահանձնաժողովի մամուլի խոսնակին, գրում է, որ «դիտարկվում են բոլոր տարբերակները», եթե «Վրացական երազանքը» շարունակի իր ավտորիտար կուրսը, ներառյալ՝ «վիզաների ազատականացման սխեմայի հնարավոր ժամանակավոր կասեցումը»։
Ըստ 2017 թվականին ստորագրված վիզաների ազատականացման համաձայնագրի՝ Վրաստանի քաղաքացիները կարող են տարեկան մինչև երեք ամիս մնալ ԵՄ-ում՝ առանց վիզա ստանալու անհրաժեշտության։
«Եվրամիություն-Վրաստան վիզային ռեժիմի ազատականացման երկխոսության և համապատասխան գործողությունների ծրագրի շրջանակում Վրաստանը պարտավոր է կատարել որոշակի չափանիշներ, այդ թվում՝ ապահովել հիմնարար իրավունքների պաշտպանությունը և խտրականության կանխումը»,- ասվում է հրապարակման մեջ։
Նշելով, որ «Եվրահանձնաժողովն անցկացնում է վիզային ռեժիմի ազատականացման չափանիշների կատարման տարեկան վերանայում», Եվրահանձնաժողովի խոսնակն ընդգծել է, որ «հիմնարար իրավունքների հարգումն անդամակցության գործընթացի առանցքային սկզբունքն է և կգնահատվի ընդլայնման հաջորդ զեկույցում»։
Թարգմանությունը՝ Տաթև Ֆռանգյանի
