20.09.2024 | 19:13
Գլխավոր դատախազությունը հայտարարություն է տարածել ԲԴԽ նիստում դատավոր Արտուշ Գաբրիելյանի դիտարկումների վերաբերյալ
Պատերազմում Ուկրաինայի «հաղթանակի ծրագիրը» կախված է դաշնակիցների «արագ որոշումներից». Զելենսկի
Քաղաքականություն
20.09.2024 | 17:34
Ռուսաստանի դեմ պատերազմում Ուկրաինայի «հաղթանակի ծրագիրը» կախված է դաշնակիցների կողմից կայացված արագ որոշումներից։ Այս մասին հայտարարել է Ուկրաինայի նախագահ Վլադիմիր Զելենսկին Եվրահանձնաժողովի նախագահ Ուրսուլա ֆոն դեր Լեյենի հետ համատեղ մամուլի ասուլիսի ժամանակ, փոխանցում է BBC-ի ռուսական ծառայությունը։
Նրա խոսքով՝ հաջորդ շաբաթ ԱՄՆ-ում «հաղթանակի ծրագիրը» կքննարկի այդ երկրի նախագահ Ջո Բայդենի հետ։
«Ծրագրի որոշումների մեծ մասը կախված է նրանից [Բայդենից]: Մյուս դաշնակիցներից նույնպես, սակայն կան որոշակի կետեր, որոնք կախված են Միացյալ Նահանգների բարի կամքից և աջակցությունից»,- ասել է նա։
Կիևի կողմից մշակված «հաղթական ծրագրի» մանրամասները դեռևս չեն հրապարակվում։
«Ամբողջ պլանը կախված է մեր գործընկերների արագ որոշումներից։ Պլանը հիմնված է որոշումների վրա, որոնք պետք է կայացվեն հոկտեմբեր-դեկտեմբերն ընկած ժամանակահատվածում, և այն բանի վրա, որ գործընթացները չհետաձգվեն»,- ասել է Ուկրաինայի նախագահը։
Եվրահանձնաժողովի ղեկավար Ուրսուլա ֆոն դեր Լեյենն էլ հայտարարել է, որ ԵՄ-ն Ուկրաինային կտրամադրի 35 միլիարդ եվրոյի վարկ։ Ենթադրվում է, որ այդ միջոցները Կիևին կուղղվեն Եվրամիությունում սառեցված ռուսական ակտիվների տոկոսների հաշվին։
Թարգմանությունը՝ Էմմա Չոբանյանի
