15.03.2026 | 21:36
Իրանում ձերբակալել են ավելի քան 30 մարդու՝ Իսրայելին տեղեկատվություն փոխանցելու կասկածանքով
Լվովի մարզում խոցված ԱԹՍ-ն հրդեհ է առաջացրել
Քաղաքականություն
20.09.2024 | 12:58
«Շահեդ» անօդաչու թռչող սարքերիցի մեկը, որը գիշերը հասել է Ուկրաինայի Լվովի մարզ ու խոցվել ՀՕՊ համակարգերի կողմից, հրդեհ է առաջացրել գյուղերից մեկում։ BBC-ի ռուսական ծառայության փոխանցմամբ՝ այս մասին առավոտյան հայտնել է շրջանի ղեկավար Մաքսիմ Կոզիցկին։
«ԱԹՍ-ի բեկորների անկման հետևանքով ժամը 04:30-ի սահմաններում հրդեհ է բռնկվել մեր մարզի գյուղերից մեկում։ Այրվել է նախկին կոլտնտեսության շենքը։ Հրդեհն արագորեն մարվել է հրշեջների ուժերով։ Ներգրավվել է 20 հրշեջ և չորս միավոր հատուկ տեխնիկա»,- գրել է Կոզիցկին Տելեգրամում։
Նրա տեղեկացմամբ՝ խոցված անօդաչուի բեկորները, բացի կոլտնտեսության տարածքից, վնասել են երեք ավտոմեքենա, կոտրվել են հարակից բնակելի շենքերի ապակիները։ Տուժածներ չկան։
Միևնույն ժամանակ, մի քանի ժամ տևած առաջին գրոհից հետո ռուսական ուժերը, ըստ ուկրաինական կողմի, հարավից և հյուսիս-արևելքից «Շահեդ»-ների ևս երկու խումբ են ուղարկել դեպի Ուկրաինայի տարածք։ Դրանցից վերջինները թռել են Կիրովոգրադի շրջանի վրայով։
Թարգմանությունը՝ Տաթև Ֆռանգյանի
