19.07.2026 | 12:10
ԱՄՆ-ը պատրաստ է թույլատրել Սաուդյան Արաբիային հարստացնել ուրանը․ CNN
Իսրայելի բանակը հայտարարել է Լիբանանում «Հըզբոլլահ»-ի թիրախներին զանգվածային հարվածներ հասցնելու մասին
Քաղաքականություն
19.09.2024 | 21:13
Իսրայելի պաշտպանության բանակը (IDF) հայտարարել է, որ հարվածներ է հասցնում Լիբանանում տեղակայված «Հըզբոլլահ»-ի թիրախներին։ Նշվում է, որ հարձակումների նպատակը «կազմակերպության ահաբեկչական ներուժի և ռազմական ենթակառուցվածքների կրճատումն է»: Լիբանանյան լրատվամիջոցները հաղորդում են երկրի հարավում գտնվող Դեյր Քանուն ալ-Նահր քաղաքի մերձակայքում զանգվածային ավիահարվածների մասին, փոխանցում է Կոմերսանտը:
««Հըզբոլլահ» ահաբեկչական կազմակերպությունը հարավային Լիբանանը վերածել է պատերազմական գոտու և տասնյակ տարիներ զենքով զինել է քաղաքացիների տները, թունելներ փորել դրանց տակ և օգտագործել նրանց որպես կենդանի վահան»,- ասվում է իսրայելական բանակի հայտարարության մեջ։
Իսրայելական Ynet պորտալը նշում է, որ պաշտպանության բանակի հարվածները համընկել են «Հըզբոլլահ»-ի ղեղկավար Հասան Նասրալլայի ելույթի հետ՝ կապված զինյալների կողմից օգտագործվող փեյջերների վերջին պայթյունների հետ։
Լիբանանի ազգային գործակալությունը (NNA) գրում է, որ «Հըզբոլլահ»-ի պատասխանել է՝ իսրայելական զորանոցների վրա հարձակվելով Արևմտյան Գալիլեայի շրջանի Շոմեր բնակավայրում՝ Լիբանանի հետ Իսրայելի սահմանին։
Թարգմանությունը՝ Տաթև Ֆռանգյանի
