14.05.2026 | 23:29
Թուրքիայի և Վրաստանի քաղաքացիները 2025 թվականին ԵՄ-ից արտաքսումների թվով առաջին ու երկրորդ տեղերում են
Իրանի նախագահը ՀՀ վարչապետին և նախագահին ուղերձներ է հղել՝ շնորհավորելով Հայաստանի Անկախության օրվա առիթով
Քաղաքականություն
19.09.2024 | 18:17
Իրանի նախագահ Մասուդ Փեզեշքիանը շնորհավորել է Հայաստանի կառավարությանն ու ժողովրդին երկրի Անկախության տարեդարձի կապակցությամբ, հաղորդում է IRNA գործակալությունը։
Նա առանձին շնորհավորական ուղերձներ է հղել ՀՀ նախագահ Վահագն Խաչատուրյանին, ինչպես նաև վարչապետ Նիկոլ Փաշինյանին՝ Ազգային տոնի առթիվ։
Վահագն Խաչատուրյանին ուղղված ուղերձում Իրանի նախագահը հույս է հայտնել, որ առաջիկա տարիներին երկու բարեկամ և հարևան երկրների հարաբերություններն ավելի կխորանան տարբեր հարթություններում, ինչը օգուտ կբերի երկու ժողովուրդներին։
ՀՀ վարչապետին ուղղված ուղերձում էլ Փեզեշքիանը նշել է, որ Իրանի Իսլամական Հանրապետությունն առաջին երկրներից էր, որը ճանաչել է Հայաստանի Հանրապետության անկախությունը, և այդ օրվանից երկուսն էլ լավ հարևաններ են։ Նա նաև ուրախություն է հայտնել Իրանի և Հայաստանի միջև ամուր ու կայուն կապերի առնչությամբ, որոնք, նրա խոսքով, աստիճանաբար զարգանում և առաջընթաց են ապրում։
Թարգմանությունը՝ Էմմա Չոբանյանի
