16.03.2026 | 00:04
Ըմբիշ Սուրեն Աղաջանյանը դարձել է Եվրոպայի Մ-23 չեմպիոն․ ՏԵՍԱՆՅՈՒԹ
«Ուժերը բավարար չեն». զինվորականները Պուտինից նոր մոբիլիզացիա են պահանջում
Քաղաքականություն
19.09.2024 | 19:13
Ռուսական բանակն այնքան զինվոր է կորցնում, որ ռազմական ղեկավարությունը շուրջ վեց ամիս առաջ նախագահ Վլադիմիր Պուտինին խնդրել էր կրկին մոբիլիզացիա հայտարարել։ Այդ ժամանակից ի վեր Խարկով առաջ շարժվելու և ամբողջ Դոնեցկի շրջանը գրավելու փորձերի արդյունքում կորուստների ինտենսիվությունը միայն աճել է. մայիսից սկսած ժամանակահատվածը դարձել է Ռուսաստանի համար պատերազմի ընթացքում ամենաարյունալի շրջանը։ Զինվորականները չեն հրաժարվում փորձերից՝ համոզել Պուտինին մոբիլիզացիա հայտարարել։
Մարտի կեսերին Պուտինը «վերընտրվեց» հերթական նախագահական ժամկետով։ Նրա հետ հանդիպման ժամանակ Պաշտպանության նախարարության պաշտոնյաները պնդել են, որ օգտագործի մայիսի երդմնակալության արարողությունը մոբիլիզացիայի նոր փուլի մասին հայտարարելու համար, The Wall Street Journal-ին ասել է զրույցի մասին տեղեկացված անձը:
Այդ ժամանակից ի վեր Ռուսաստանի համար կորուստների առումով իրավիճակը ռազմաճակատում միայն վատթարացել է՝ մայիսի համեմատ։ Երբ սկսվեց հարձակումը Խարկովի մարզում, բանակը սկսեց ավելի շատ զինվորների կորցնել, քան հավաքագրել էր:
Թարգմանությունը՝ Տաթև Ֆռանգյանի
