22.11.2024 | 21:14
Ժաննա Անդրեասյանը հայ պարարվեստի մեծ երախտավոր Նորայր Մեհրաբյանին պարգևատրել է ԿԳՄՍՆ մեդալով
«Ռուսաստանը կվճարի իր ավերածությունների համար». ԵՄ-ն կօգնի Ուկրաինային էներգետիկ ոլորտը նախապատրաստել ձմռանը
Քաղաքականություն
19.09.2024 | 17:40
Եվրամիությունը 160 միլիոն եվրո կհատկացնի ուկրաինական էներգետիկ հատվածը ձմռանը նախապատրաստելու համար, որից 100 միլիոնը կկազմի ԵՄ-ում սառեցված ռուսական արտարժույթի խնայողություններից ստացված եկամուտը, գրում է BBC-ի ռուսական ծառայությունը։
«Երկու շաբաթից սկսվում է ջեռուցման սեզոնը։ Ցրտերին զուգընթաց՝ Եվրամիությունը պատրաստ է մեծացնել Ուկրաինային օգնությունը։ Մենք միասին պատրաստվում ենք ձմռանը։ Այս ասուլիսից հետո ես մեկնում եմ Կիև՝ նախագահ Վլադիմիր Զելենսկիի հետ անձամբ քննարկելու այդ հարցերը»,- հայտարարել է Եվրահանձնաժողովի ղեկավար Ուրսուլա ֆոն դեր Լեյենը։
Նրա խոսքով՝ 2022 թվականի փետրվարին ռուսական ներխուժման մեկնարկից ի վեր Ուկրաինայի էներգետիկ ենթակառուցվածքի կեսը ոչնչացվել է, ինչը մոտավորապես համեմատելի է բալթյան երեք երկրների էներգահամակարգերի ընդհանուր հզորությանը՝ միասին վերցված։ Այս ընթացքում ԵՄ-ն Ուկրաինային տրամադրել է ավելի քան 2 միլիարդ եվրո՝ ռմբակոծված էլեկտրակայանների, տրանսֆորմատորների և էլեկտրահաղորդման գծերի վերականգնման համար:
«Եվ այսօր կարող եմ հայտարարել, որ ևս 160 միլիոն եվրո կտրամադրենք այս ձմռանը պատրաստվելու համար։ 60 մլն մարդասիրական օգնություն, օրինակ, ապաստարանների կահավորման և ջեռուցման համար, ևս 100 մլն՝ վերանորոգման և վերականգնվող աղբյուրների համար։ Այս գումարը հատկացվում է ԵՄ-ում ռուսական սառեցված ակտիվներից ստացված եկամուտներից։ Որովհետև արդար է, որ Ռուսաստանը վճարի իր ավերածի համար»,- ասել է Եվրահանձնաժողովի ղեկավարը։
Թարգմանությունը՝ Տաթև Ֆռանգյանի
