Իսրայելը տարիներ առաջ փեյջեր արտադրող ընկերություն է ստեղծել, ապա դրանք վաճառել «Հըզբոլլահ»-ին․ The New York Times

Լուրեր

21.11.2026 | 00:06
Էդուարդ Սպերցյանը մասնակցեց «Ալ Նասրի» նկատմամբ հաղթանակին. ՏԵՍԱՆՅՈՒԹ
20.11.2026 | 23:39
Հայաստանը համերաշխություն է հայտնում Վրաստանին այս դժվարին պահին. Փաշինյան
20.11.2026 | 23:13
Հայաստանն ու Ալբանիան քննարկվել են տնտեսական համագործակցության խորացման հեռանկարները
20.11.2026 | 23:00
Լոռու մարզում գազանջատումներ կլինեն
20.11.2026 | 22:47
Թուրքական արտադրության Kizilelma անօդաչու կործանիչն աշխարհում առաջինն է անցել զինվորական ծառայության
20.11.2026 | 22:33
Վաղարշապատի կամրջի հարակից ճանապարհահատվածը ժամանակավորապես փակ կլինի երթևեկության համար
20.11.2026 | 22:19
Բաքուն հայտնում է ահաբեկչական կազմակերպության անդամ Ադրբեջանի քաղաքացիների ձերբակալության մասին
20.11.2026 | 22:04
Հայաստանի մի շարք հասցեներում էլեկտրաէներգիայի անջատումներ կլինեն
20.11.2026 | 21:50
Ադրբեջանի ընդդիմության ղեկավարի կալանքի թեման ուշադրության կենտրոնում է եղել Գերմանիայի ԱԳ նախարարի՝ Բաքու կատարած այցի ժամանակ
20.11.2026 | 21:36
Հայաստանն ընդունել է Գազայից երեք պաղեստինցի երեխայի. նրանց մասնագիտացված բուժօգնություն կցուցաբերվի
20.11.2026 | 21:23
Թվային լուծումներ՝ մեկ էկոհամակարգում․ IDBank-ը՝ DigiTec 2026-ում
20.11.2026 | 21:11
Թրամփը հայտարարել է, որ Պուտինը Լեհաստանի ուղղությամբ «սխալմամբ մի քանի փոքր հրթիռ է արձակել»
20.11.2026 | 21:00
Տրագիկոմեդիա է․ ընդդիմությունը չի ուզում ազատվել վարչապետ Փաշինյանից, թեև մեղադրում է ադրբեջանական լինելու մեջ․ Արսեն Թորոսյան. ՏԵՍԱՆՅՈՒԹ
20.11.2026 | 20:50
Կառլեն Հովհաննիսյանը՝ «Ակրոնի» լավագույն ֆուտբոլիստ
20.11.2026 | 20:45
Euro 4-ը, խցանումներն ու Ավինյանը․ ո՞ր մեքենաները կարող են հայտնվել սահմանափակման տակ. ՏԵՍԱՆՅՈՒԹ
Բոլորը

The New York Times-ն ապշեցուցիչ մանրամասներ է բացահայտել Իսրայելի «ժամանակակից տրոյական ձիու»՝ պայթող փեյջերների մասին։ Իսրայելի ռազմավարության վերաբերյալ հոդվածում նկարագրված գլխավոր բացահայտումներից մեկը, որի մասին նախկինում չէր հաղորդվել, այն է, որ Իսրայելը չի ​​գաղտնալսել փեյջերները նախքան դրանց մատարարումը, ինչպես ոմանք հայտնել են, փոխարենն ավելի հնարամիտ բան է արել, փոխանցում է Vinnews-ը։

Լրատվամիջոցը վկայակոչում է պաշտպանության և հետախուզության 12 պաշտոնյաների, որոնք տեղեկացված են եղել հարձակման մասին և օպերացիան նկարագրել են որպես բարդ և երկար նախապատրաստվող: Ըստ հոդվածի՝ «Հըզբոլլահ»-ի ղեկավարությունը տարիներ շարունակ անհանգիստ է եղել՝ կապված իրենց գտնելու և հետևելու համար Իսրայելի կողմից առաջադեմ տեխնոլոգիաների կիրառման հետ: Դա հանգեցրել է փեյջերների կիրառման անհրաժեշտության:

Ըստ NYT-ի՝ երբ Իսրայելը Լիբանանում թիրախային սպանությունների միջոցով ոչնչացրել է «Հըզբոլլահ»-ի բարձրաստիճան հրամանատարներին, նրանց առաջնորդը հանգել է եզրակացության, որ եթե Իսրայելը գնա բարձր տեխնոլոգիաների կիրառման, դա նոր վտանգ կներկայացնի «Հըզբոլլահ»-ի համար։ Հրապարակման համաձայն՝ խմբավորման ղեկավար Հասան Նասրալլայի համար պարզ էր, որ Իսրայելը բջջային ցանցեր է օգտագործում իր գործակալների գտնվելու վայրը ճշտելու համար:

«Դուք ինձ հարցնում եք, թե որտեղ է գործակալը։ Ես ասում եմ ձեզ՝ հեռախոսը ձեր ձեռքերում է, ձեր կնոջ և ձեր երեխաների ձեռքերում է այդ գործակալը։ Թաղե՛ք այն, դրե՛ք երկաթե տուփի մեջ ու կողպեք»,- ասել է Նասրալլան իր հետևորդներին փետրվարին հրապարակային հեռուստատեսային ուղերձում:

Ըստ ամերիկյան հետախուզության՝ նա տարիներ շարունակ պնդում էր, որ հեռախոսների փոխարեն «Հըզբոլլահ»-ը ներդրում կատարի փեյջերների ձեռքբերման համար, որոնք թեև հնարավորություններով սահմանափակ են, կարող են տվյալներ ստանալ՝ չհրապարակելով օգտատիրոջ գտնվելու վայրը կամ այլ տեղեկատվություն:

Լրատվամիջոցը գրում է, որ ինչ Նասրալլան որոշում էր ընդլայնել փեյջերների օգտագործումը, Իսրայելը նախաձեռնում է կեղծ ընկերության ստեղծում, որը պետք է ներկայացվեր որպես միջազգային փեյջեր արտադրող:

B.A.C. Consulting-ը Հունգարիայում հիմնված ընկերություն է, որը պայմանագիր էր կնքել սարքերը թայվանական Gold Apollo ընկերության անունից արտադրելու համար: Ըստ էության, դա եղել է իսրայելական ճակատի մի մասը՝ ըստ գործողության մասին տեղեկացված երեք հետախույզների: Նրանք ասել են, որ առնվազն երկու այլ ընկերություններ են ստեղծվել՝ թաքցնելու այն մարդկանց իրական ինքնությունը, որոնք ստեղծել են ընկերությունը։

B.A.C.-ն ընդունել է սովորական հաճախորդների, որոնց համար արտադրել է սովորական փեյջերների շարք: Բայց միակ հաճախորդը, որն իսկապես կարևոր էր, «Հըզբոլլահ»-ն էր։ Ըստ հետախուզության երեք աշխատակիցների՝ դրանք առանձին են արտադրվել, պարունակել են PETN պայթուցիկով պատված մարտկոցներ: Փեյջերները սկսել են Լիբանան առաքվել 2022 թվականի ամռանը փոքր քանակությամբ, բայց արտադրությունն արագ աճել է այն բանից հետո, երբ Նասրալլան դատապարտել է բջջային հեռախոսները:

Նասրալլայի որոշ մտահոգություններ առաջացել են դաշնակիցների հաղորդագրություններից այն մասին, որ Իսրայելը ձեռք է բերել բջջային սարքավորումները կոտրելու նոր հնարավորություններ։ Իսրայելը միլիոններ է ներդրել տեխնոլոգիայի զարգացման համար, ասել են հետախուզության երեք պաշտոնյաները։ «Հըզբոլլահ»-ի և նրա դաշնակիցների շրջանում լուրեր են տարածվել, որ ոչ մի բջջային հեռախոսակապ, նույնիսկ գաղտնագրված հաղորդագրությունների հավելվածները, այլևս ապահով չեն:

Նասրալլան ոչ միայն արգելել է բջջային հեռախոսների մուտքը օպերատիվ հավաքների ժամանակ, այլև հրահանգել է, որ «Հըզբոլլահ»-ի անդամների տեղաշարժի ու ծրագրերի մանրամասները երբեք չփոխանցել բջջային հեռախոսներով։ Խմբավորման սպաներին նա հրամայել է մշտապես իրենց հետ փեյջեր ունենալ։

Ըստ ԱՄՆ հետախուզության երկու պաշտոնյաների՝ ամառվա ընթացքում Լիբանան փեյջերների մատակարարումն ավելացել է, հազարավոր սարքավորումներ են ժամանել երկիր, որոնք բաժանվել են «Հըզբոլլահ»-ի սպաներին և նրանց դաշնակիցներին:

«Հըզբոլլահ»-ի համար դրանք պաշտպանական միջոց են եղել, սակայն Իսրայելում հետախուզության աշխատակիցները փեյջերներն անվանել են «կոճակ», որը կարելի է սեղմել, երբ ժամը հասունանա: Այդ պահը, ինչպես երևում է, եկել է այս շաբաթ․ երեքշաբթի հրաման է տրվել ակտիվացնել փեյջերները։

Թարգմանությունը՝ Էմմա Չոբանյանի