05.04.2026 | 11:47
Իրանում փրկվել է անհետ կորած ամերիկացի զինծառայողը․ Թրամփ
Վլադիսլավ Բակալչուկին մեղադրանք է առաջադրվել Wildberries-ի գրասենյակում տեղի ունեցած հրաձգությունից հետո
Քաղաքականություն
19.09.2024 | 15:21
Վլադիսլավ Բակալչուկին մեղադրանք է առաջադրվել Wildberries-ի գրասենյակում տեղի ունեցած հրաձգության համար, հայտնում է «Իզվեստիա»-ն՝ վկայակոչելով հետաքննությանը մոտ կանգնած աղբյուրին։ Նրա հետ մեկտեղ մեղադրանք է առաջադրվել ևս 6 անձի, որոնց անունները չեն հաղորդվում։
Միջադեպը տեղի էր ունեցել սեպտեմբերի 18-ի կեսօրին, երբ 20-30 հոգանոց խումբը հարձակվել է Wildberries-ի գրասենյակի վրա, որը գտնվում է Կրեմլից 900 մետր հեռավորության վրա՝ «Ռոմանով դվոր» բիզնես կենտրոնում:
Հարձակվողները կոտրել են ապակիները, որից հետո կրակոցներ են սկսվել։ Արդյունքում զոհվել է երկու մարդ՝ անվտանգության աշխատակիցն ու բիզնես կենտրոնի աշխատակիցը, ևս 10 մարդ վիրավորվել է։ Տուժածների թվում են Չեչնիայից ժամանած երեք հայտնի MMA մարզիկներ՝ Աբուբաքար Մեստոևը, Ռաշիդ Կոձևը և Ումար Չիչաևը։ Սոցցանցերի լուսանկարներում Չիվաևը պատկերված է ռուսական ՍՈԲՐ գվարդիայի համազգեստով՝ շրջապատված Ռամզան Կադիրովով և Չեչնիայի այլ ազդեցիկ պաշտոնյաներով:
Հարձակվողների հետ դեպքի վայր է ժամանել նաև Wildberries-ի հիմնադիր Տատյանա Բակալչուկի ամուսինը՝ Վլադիսլավ Բակալչուկը։ Ավելի վաղ նա Wildberries-ի միաձուլումը գովազդային օպերատոր Russ Outdoor-ի հետ անվանել էր «ռեյդերային գրավում» և օգնության համար դիմել էր Ռամզան Կադիրովին:
Թարգմանությունը՝ Տաթև Ֆռանգյանի
