15.03.2026 | 20:59
Լարսը շարունակում է փակ մնալ բոլոր տեսակի տրանսպորտային միջոցների համար
2-րդ և 3-րդ նախագահների թիմերը 10 օրում հաջողությամբ լուծարեցին ԼՂ բոլոր ինստիտուտները․ Պապոյան․ ՏԵՍԱՆՅՈՒԹ
Քաղաքականություն
19.09.2024 | 13:20
«Արցախը հանձնվել է Արցախի նախկին նախագահի ստորագրությամբ։ Այդ անձի՝ ԼՂ նախագահ դառնալուց 10-15 օր հետո է դա տեղի ունեցել, դա մի պրոցես էր, երբ նվազագույնը ՀՀ նախկին՝ երկրորդ և երրորդ նախագահները և նրանց թիմերը ողջունում էին ուրախությունից և ելույթի տեքստեր էին հրապարակում այն մասին, թե ինչքան լավ բան է տեղի ունեցել ԼՂ-ում, երբ տեղի է ունեցել այդ պալատական հեղաշրջումը»,- այս մասին լրագրողների հետ ճեպազրույցում ասաց ՀՀ Էկոնոմիկայի նախարար Գևորգ Պապոյանը՝ խոսելով Արցախի տեղահանման տարելիցից։
Ըստ Պապոյանի՝ ՀՀ երկրորդ և երրորդ նախագահների թիմերն ընդամենը 10 օրում հաջողությամբ լուծարեցին ԼՂ բոլոր ինստիտուտները, որից հետո լուծարեցին նաև ԼՂ-ն։
«Նրանք այնպիսի ճնշում էին գործադրում ՀՀ իշխանությունների նկատմամբ, թե ինչո՞ւ ամեն ինչ չեք անում, որ ԼՂ բնակչությունը հնարավորինս արագ լքի ԼՂ տարածքը։ Բնականաբար, պատճառը մեկն էր, որ նրանք ունենային 100 հազար ավելի կամ քիչ ցուցարար»,- հայտարարեց նա։
Մանրամասները՝ տեսանյութում։
