07.10.2026 | 22:19
Ադրբեջանական իշխանական ԶԼՄ-ն Թուրքիայի մասին կոշտ շեշտադրմամբ հրապարակում է արել՝ հարաբերությունների լարվածության ֆոնին
Հայաստանում կբացվի Իրանի՝ արտերկրում առաջին առևտրի կենտրոնը
Քաղաքականություն
19.09.2024 | 15:41
Հոկտեմբերի 1-ին Հայաստանում կբացվի Իրանի առաջին և ամենամեծ մշտական առևտրի կենտրոնն արտերկրում՝ Իրանի Առևտրի խթանման կազմակերպության (TPOI) հետ համագործակցությամբ։ Այս մասին գրում է իրանական Mehr գործակալությունը։
Նշվում է, որ կենտրոնը կծառայի որպես դարպաս դեպի Եվրասիական տնտեսական միություն (ԵՏՄ): Այն կգործի Երևանում՝ ավելի քան 18,000 քառակուսի մետր տարածքում։
Առևտրի կենտրոնի 10,000 քառակուսի մետր ցուցադրական տարածքը ներառում է տարբեր չափերի 107 ցուցահանդեսային կրպակներ, որոնք կարող են օգտագործվել տարբեր ոլորտներում, կլինի համաժողովների սրան և բիզնես-բիզնես (B2B) հանդիպումների սենյակ, ինչպես նաև բացօթյա տարածք միջոցառումների, կոնֆերանսների և փառատոնների համար։
Իրանի արդյունաբերության, հանքերի և առևտրի ու Հայաստանի էկոնոմիկայի նախարարների մասնակցությամբ, Իրանի խոշորագույն արդյունաբերական կենտրոնների գործարարների և ղեկավարների ներկայությամբ իրանական առևտրի կենտրոնը շուտով շահագործման կհանձնվի։
Նշվում է, որ բացի շուկայավարման և հետազոտական ծառայությունների մատուցման, Հայաստանի և Եվրասիական տնտեսական միության (ԵԱՏՄ) հեռանկարային շուկա մուտք գործելուց, կենտրոնը բարենպաստ պայմաններ կապահովի ֆինանսական փոխանցումների, լոգիստիկ և տրանսպորտային ծառայությունների,իրավաբանական խորհրդատվություն, հարկային և մաքսային ծառայությունների մատուցման համար։
Թարգմանությունը՝ Էմմա Չոբանյանի
