09.09.2026 | 14:22
ԱԺ առողջապահության հարցերի մշտական հանձնաժողովի նիստը․ ՈՒՂԻՂ
Սարի թաղում մեքենան բախվել է գազատար խողովակին և կողաշրջվել
19.09.2024 | 11:23
Սեպտեմբերի 19-ին` ժամը 02:55-ին, Ճգնաժամային կառավարման ազգային կենտրոն ահազանգ է ստացվել, որ Երևան քաղաքի Սարի Թաղի 7-րդ փողոցի տներից մեկի մոտակայքում տեղի է ունեցել ՃՏՊ՝ ավտոմեքենան բախվել է գազատար խողովակին․ տեղեկացնում են ՆԳՆ ՓԾ-ից։
Դեպքի վայր է մեկնել ՆԳՆ ՓԾ Երևան քաղաքի փրկարարական վարչության հրշեջ-փրկարարական ջոկատից մեկ մարտական հաշվարկ: Պարզվել է, որ Toyota մակնիշի ավտոմեքենան (վարորդ՝ Գ. Վ., ծնված 1994 թ.) դուրս է եկել ճանապարհի երթևեկելի հատվածից, վնասել տան մոտակայքում կայանած Mercedes-Benz մակնիշի ավտոմեքենան, բախվել գազատար խողովակին և կողաշրջվել. տուժածներ չկան:
Հատուկ տեխնիկայի օգնությամբ Toyota մակնիշի ավտոմեքենան դուրս է բերվել տան ծածկի վրայից: Փրկարարները ուղղել են Toyota մակնիշի ավտոմեքենան, հոսանքազրկել և փակել գազի բալոնի փականը:
