19.07.2026 | 21:39
Հայտնի են Իսպանիայի ու Արգենտինայի մեկնարկային կազմերն ԱԱ-2026-ի եզրափակիչում
ՆԱՏՕ-ի երկու կենտրոնակայան կտեղակայվի Ֆինլանդիայում
Քաղաքականություն
19.09.2024 | 17:18
Ֆինլանդիայում կտեղակայվի ՆԱՏՕ-ի երկու շտաբ՝ Հյուսիսատլանտյան դաշինքի ցամաքային զորքերի Հյուսիսային Եվրոպայի շտաբը և Առաջատար ցամաքային ուժերի (FLF) շտաբը: Նրանց գտնվելու ստույգ վայրի մասին որոշում կկայացվի մոտ ապագայում, հաղորդել է ֆիննական Yle հեռուստաալիքը։
Հելսինկիից 230 կմ հյուսիս-արևելք՝ Ռուսաստանի հետ սահմանի մոտ գտնվող Միքելին համարվում է Հյուսիսային Եվրոպայում ՆԱՏՕ-ի ցամաքային զորքերի շտաբի տեղակայման հնարավոր վայրը։ Առաջատար ցամաքային զորքերի շտաբը կարող է տեղակայվել երկրի հյուսիսում՝ Սոդանկիլայում կամ Ռովանիեմիում։
Շվեդիան պատրաստակամություն է հայտնել ստանձնել ՆԱՏՕ-ի առաջադեմ ցամաքային զորքերի հրամանատարությունը, որոնք տեղակայվելու են Ֆինլանդիայում, սեպտեմբերի 16-ին Ստոկհոլմում հայտարարել են երկու երկրների պաշտպանության նախարարները։
Իր հերթին, Ֆինլանդիայի նախագահ Ալեքսանդր Ստուբը Yle-ի եթերում ընդգծել է, որ ՆԱՏՕ-ի շտաբի գտնվելու վայրի վերաբերյալ որոշումներ դեռ չեն կայացվել, և դաշինքն առաջնորդվում է ռազմական շահերով, այլ ոչ թե տարածաշրջանային քաղաքականության հարցերով։
Թարգմանությունը՝ Տաթև Ֆռանգյանի
