09.09.2026 | 12:16
«Արգելում եմ իմ հոր անունը տալ», «Արցախցիների տեղահանման ժամանակ Դուբայում հանգստանում էիք»․ ՏԵՍԱՆՅՈւԹ
Զելենսկին ԱՄՆ այցի ընթացքում նախատեսում է հանդիպել Հարիսին և Թրամփին
Քաղաքականություն
19.09.2024 | 12:42
Դեմոկրատական կուսակցությունից ԱՄՆ նախագահի թեկնածու Քամալա Հարիսը ծրագրում է Վաշինգտոնում հանդիպել Ուկրաինայի նախագահ Վլադիմիր Զելենսկիի հետ։ Այս մասին հայտնում է Bloomberg-ը՝ վկայակոչելով իր աղբյուրին, գրում է Meduza-ն։
Հաջորդ շաբաթ նախատեսված հանդիպմանը, ըստ լրատվամիջոցի զրուցակիցների, Զելենսկին մտադիր է ներկայացնել հաղթանակի իր ծրագիրը, որի շրջանակում նա պնդելու է ՆԱՏՕ-ին և Եվրամիությանը Ուկրաինայի անդամակցության, տնտեսական և անվտանգության ոլորտում համաձայնագրերի, ինչպես նաև ավելի կատարյալ զենքերի շարունակական մատակարարման հարցում։
Հարիսից բացի՝ Զելենսկին, հավանաբար, հանդիպելու է նաև Հանրապետական կուսակցության նախագահի թեկնածու Դոնալդ Թրամփին։
Պատասխանելով լրագրողների հարցին՝ հանդիպելո՞ւ է, արդյոք, Զելենսկիին ԱՄՆ նրա այցի ընթացքում, Թրամփն ասել է․ «Հավանաբար՝ այո»։
Նա այլ մանրամասներ չի հայտնել այդ հանդիպման պլանների մասին։ Թրամփն ու Զելենսկին հեռախոսազրույց են ունեցել հուլիսին, սակայն անձամբ չեն հանդիպել 2017-2021 թվականներին Թրամփի նախագահությունից ի վեր։
Թարգմանությունը՝ Էմմա Չոբանյանի
