14.12.2025 | 21:40
Ոստիկանությունը ձերբակալել է Բրաունի համալսարանում կրակ բացելու մեջ կասկածվողին
ՌԴ ՔԿ-ն հեռակա կալանք է պահանջել «Doxa» ամսագրի համահիմնադիր Արմեն Արամյանի համար
Քաղաքականություն
18.09.2024 | 17:46
Քննչական կոմիտեն հեռակա պահանջել է կալանավորել «Doxa» ուսանողական ամսագրի համահիմնադիր և խմբագիր Արմեն Արամյանին։ Այս մասին գրում է Mediazona-ն՝ հղում անելով Մոսկվայի Բասմանի շրջանային դատարանին։
Ըստ գործի նյութերի՝ Արամյանը հեռակա հետապնդվում է համացանցում ահաբեկչությունն արդարացնելու (Քրեական օրենսգրքի 205.2-րդ հոդվածի 2-րդ մաս) և ռուսական բանակի մասին «ֆեյքեր» տարածելու հոդվածներով (Քրեական օրենսգրքի 207.3 հոդվածի 2-րդ մասի «դ» կետով): Արամյանը Mediazona-ին պարզաբանել է, որ այդ մասին տեղյակ չի եղել։
2022 թվականի ապրիլին Արամյանը, ինչպես նաև «Doxa»-ի նախկին խմբագիրներ Ալլա Գուտնիկովան, Վլադիմիր Մետելկինը և Նատաշա Տիշկևիչը դատապարտվել են երկու տարվա ուղղիչ աշխատանքի։ Նրանք մեղավոր են ճանաչվել անչափահասներին կյանքին վտանգ սպառնացող արարքներում ներգրավելու մեջ։ Ըստ հետաքննության՝ ամսագրի աշխատակիցները դեռահասներին խրախուսել են հանրահավաքների գնալ՝ ի պաշտպանություն քաղաքական գործիչ Ալեքսեյ Նավալնիի: Որպես ապացույց՝ գործին կցվել են բողոքի ակցիաների անչափահաս մասնակիցների դեմ կազմված արձանագրությունները։
Դատավճռից անմիջապես հետո չորսն էլ լքել են երկիրը, ՆԳՆ-ն հետախուզում է հայտարարել Գուտնիկովայի, Մետելկինի և Տիշկևիչի նկատմամբ։
2024 թվականի հունվարին Ռուսաստանի գլխավոր դատախազությունը «Doxa»-ն ճանաչել է որպես «անցանկալի կազմակերպություն»:
Թարգմանությունը՝ Տաթև Ֆռանգյանի
