15.12.2024 | 15:19
Հայաստանում սպասվում է փոփոխական եղանակ, լեռնային շրջաններում՝ ձյուն և բուք
Թրամփի դեմ մահափորձի մեջ կասկածվողը վերջին երեք տարիներին բնակվել է Կիևում․ Times
Քաղաքականություն
18.09.2024 | 13:29
ԱՄՆ նախագահի թեկնածու Դոնալդ Թրամփի դեմ մահափորձի մեջ կասկածվող Ռայան Ռութը վերջին երեք տարիներին իր ժամանակի մեծ մասն անցկացրել է Կիևում, հայտնում է The Times-ը՝ հղում անելով աղբյուրներին։
Ըստ պարբերականի՝ այնտեղ նա Աֆղանստանից, Իրաքից և Սիրիայից զինվորականների էր հավաքագրում՝ Ուկրաինայի զինված ուժերի օտարերկրյա լեգեոնի թվաքանակն ավելացնելու համար։
The Times-ը անդրադառնում է Ռայան Ռութի և Ուկրաինայից իր «կոնտակտների» նամակագրությանը, որոնք պարբերականը ստացել է իր ուկրաինական աղբյուրներից: Տեքստային հաղորդագրություններում Ռութն օտարերկրյա լեգեոնի տարբեր ստորաբաժանումների ներկայացուցիչներին առաջարկում է օգնություն՝ կազմավորումները համալրելու Իրաքից, Սիրիայից և Աֆղանստանից ժամանած զինվորականներով: Նամակագրության մեջ ուկրաինացի զինվորականները մերժում են Ռայան Ռութի այս առաջարկները։ Ռութի խոսքով՝ իրեն հաջողվել է հավաքագրել այս երկրներից մինչև 50 մարդու։
Հոդվածում նշվում է, որ Ռութը «հիմնականում անօթևան» էր Կիևում, երբեմն ապրում էր ուկրաինական զորամասերի բազաներում կամ զորանոցներում, երբ նրան թույլ էին տալիս մնալ այնտեղ:
Թարգմանությունը՝ Տաթև Ֆռանգյանի
