26.12.2025 | 23:15
Ալիևն Արցախում իր ընտանիքին պատկանող հերթական հյուրանոցն է բացել
ՌԴ-ի և Ադրբեջանի փոխվարչապետները Մոսկվայում երկկողմ համագործակցության հարցեր են քննարկել
Քաղաքականություն
18.09.2024 | 13:52
Մոսկվայում տեղի է ունեցել Ռուսաստանի և Ադրբեջանի տնտեսական համագործակցության միջկառավարական հանձնաժողովի համանախագահների՝ փոխվարչապետներ Ալեքսեյ Օվերչուկի և Շահին Մուստաֆաևի հանդիպումը։
ՌԴ կառավարության փոխանցմամբ՝ Ռուսաստանի և Ադրբեջանի նախագահներ Վլադիմիր Պուտինի ու Իլհամ Ալիևի միջև 2024թ․ օգոստոսի 19-ին Բաքվում կայացած բանակցությունների ընթացքում ձեռք բերված պայմանավորվածությունների զարգացման համար կողմերը քննարկել են երկկողմ առևտրատնտեսական, գիտատեխնիկական համագործակցության ընթացիկ հարցեր։
«Հատուկ ուշադրություն է դարձվել տրանսպորտի, կրթության և շրջակա միջավայրի պահպանության ոլորտներում փոխգործակցությանը։ Քննարկվել են նաև Ռուսաստանի և Ադրբեջանի համար փոխադարձ հետաքրքրություն ներկայացնող այլ հարցեր»,- ասվում է հաղորդագրության մեջ։
Օվերչուկն ու Մուստաֆաևը հաստատել են իրենց պատրաստակամությունը շարունակելու կառուցողական երկխոսությունը՝ ուղղված բոլոր ոլորտներում ռուս-ադրբեջանական հարաբերությունների ամրապնդմանը։
Թարգմանությունը՝ Էմմա Չոբանյանի
