16.03.2026 | 00:04
Ըմբիշ Սուրեն Աղաջանյանը դարձել է Եվրոպայի Մ-23 չեմպիոն․ ՏԵՍԱՆՅՈՒԹ
Թուրքիայի ԱԳ նախարարն Անկարայում հանդիպել է ԱՄՆ պետքարտուղարի տեղակալին
Քաղաքականություն
17.09.2024 | 20:14
Թուրքիայի ԱԳ նախարար Հաքան Ֆիդանն Անկարայում ընդունել է ԱՄՆ պետքարտուղարի քաղաքական հարցերով տեղակալի պաշտոնակատար Ջոն Բասին։ Այս մասին հայտնում է Թուրքիայի ԱԳՆ-ն X-ում գրառմամբ։
Հանդիպումից մանրամասներ, սակայն, գերատեսչությունը չի հայտնել։
Նշենք, որ ԱՄՆ Պետքարտուղարությունը Բասի այցի վերաբերյալ հաղորդագրության մեջ հայտնել էր, որ նա Անկարայում հանդիպելու է թուրքական կառավարության բարձրաստիճան պաշտոնյաների հետ՝ ընդգծելու ԱՄՆ-Թուրքիա երկկողմ հարաբերությունների ներուժը և քննարկելու ԱՄՆ-ի և Թուրքիայի ջանքերը՝ աջակցելու տարածաշրջանում խաղաղությանը և կայունությանը։
Վերջին անգամ ԱՄՆ Պետքարտուղարության պաշտոնյան Թուրքիա էր այցելել այս տարվա ապրիլին։
Էմմա Չոբանյան
