09.09.2026 | 14:22
ԱԺ առողջապահության հարցերի մշտական հանձնաժողովի նիստը․ ՈՒՂԻՂ
Ֆրանսիայի ԱԺ բյուրոն հաստատել է Մակրոնի իմփիչմենթի ընթացակարգը
Քաղաքականություն
17.09.2024 | 17:09
Ֆրանսիայի Ազգային ժողովի (խորհրդարանի ստորին պալատ) բյուրոն հաստատել է նախագահ Էմանուել Մակրոնի իմփիչմենթի գործընթաց սկսելու բանաձևի նախագիծը, հայտնում է Le Parisien պարբերականը։
«Ազգային ժողովի բյուրոն հաստատել է Էմանուել Մակրոնին իշխանությունից հեռացնելու կարգը»,- գրում է պարբերականը։
Նշվում է, որ սա «դժվար» որոշումների երկար շարքի միայն առաջին քայլն է։ 2016 թվականին Ազգային ժողովի բյուրոն անընդունելի էր ճանաչել Ֆրանսուա Օլանդի իմփիչմենթի վերաբերյալ նմանատիպ բանաձևը։
Բյուրոն խորհրդարանի ստորին պալատի բարձրագույն կոլեգիալ մարմինն է։ Այժմ նրա 22 անդամներից 12-ը ձախերի ներկայացուցիչներ են։ Մակրոնին իշխանությունից հեռացնելու առաջարկը ներկայացրել է ձախակողմյան «Անխոնարհ Ֆրանսիա» կուսակցությունը։ Ըստ BFMTV-ի՝ բյուրոյի անդամների կողմից դիտարկվելիս հարցին կողմ է քվեարկվել 12 պատգամավոր, դեմ՝ 10-ը:
