19.07.2026 | 19:39
ՌԴ-ի կողմից Կիևին հասված հարվածների հետևանքով վնասվել է նաև Ադրբեջանի դեսպանատան շենքը
ՌԴ-ն հայտարարել է ԽՍՀՄ ժամանակներից ի վեր առաջին միջուկային փորձարկումներին պատրաստ լինելու մասին
Քաղաքականություն
17.09.2024 | 15:55
Ռուսաստանը պատրաստ է ցանկացած պահի սկսել միջուկային փորձարկումները «Նովայա Զեմլյա» զորավարժարանում, հայտարարել է դրա ղեկավար Անդրեյ Սինիցինը «Ռոսիյսկայա գազետա»-ին տված հարցազրույցում։
«Փորձատեղամասը պատրաստ է վերսկսել լայնածավալ փորձարկման աշխատանքները, լիովին պատրաստ է։ Լաբորատոր փորձարկման բազան պատրաստ է, անձնակազմը պատրաստ է։ Եթե հրամանը գա, ցանկացած պահի կսկսենք փորձարկումները»,- ասել է նա։
Սինիցինի խոսքով՝ զորավարժարանում անցկացվում են անօդաչու թռչող սարքերի հնարավոր հարձակումները հետ մղելու կանոնավոր վարժանքներ, իսկ օբյեկտը պաշտպանված է ռադիոէլեկտրոնային պայքարի համակարգերով։
«Մենք մշտապես պատրաստ ենք հետ մղել բոլոր տեսակի սպառնալիքները, այդ թվում՝ դիվերսիոն և հետախուզական խմբերի ներթափանցումը կղզի»,- պարզաբանել է Սինիցինը։
Անցյալ շաբաթ օրը Պետդումայի «Եդինայա Ռոսիա» խմբակցության պատգամավոր Անդրեյ Կոլեսնիկն առաջարկել է ՌԴ փորձադաշտերից մեկում պայթեցնել միջուկային ռումբ՝ աշխարհին նման զենքի սպառնալիքի մասին հիշեցնելու համար:
