27.05.2026 | 13:38
Սևանի և մի շարք գետերի ավազաններում սպասվում է ջրի ելքերի զգալի մեծացում
Թուրք պաշտոնյան հայտարարել է, թե ՀՀ-ի և Ադրբեջանի միջև վերջնական խաղաղությունը կապահովի «Զանգեզուրի միջանցքի» բացումը
Քաղաքականություն
17.09.2024 | 15:19
Թուրքիայի Ազգային հետախուզական կազմակերպության (MIT) ղեկավար Իբրահիմ Քալընը Բաքվի անվտանգության համաժողովի շրջանակում, որտեղ քննարկվել են տարածաշրջանային և գլոբալ մարտահրավերները, հանդիպել է մի շարք երկրների գործընկերների հետ, երկկողմ շփումներ ունեցել և քննարկել ընթացիկ զարգացումները։
Թուրքական լրատվամիջոցների փոխանցմամբ՝ համաժողովում ունեցած ելույթում նա անդրադարձել է գլոբալ միջավայրում վստահության ճգնաժամերին, ահաբեկչության աճող սպառնալիքին և դրանց պատճառած մարդասիրական հետևանքներին, ինչպես նաև խոսել Հայաստան-Ադրբեջան խաղաղության գործընթացից։ Նա մատնանշել է Ադրբեջանի ձեռնարկած «հաջող քայլերը» 44-օրյա պատերազմից հետո Արցախի օկուպացված տարածքներում կյանքի կարգավորման ուղղությամբ։
Քալընն ասել է, որ Հայաստանի և Ադրբեջանի միջև վերջնական խաղաղության համաձայնագիրն էական նշանակություն ունի Կովկասում կայունության և զարգացման համար, և որ այն կապահովի, այսպես կոչված, «Զանգեզուրի միջանցքի» բացումը։ Ըստ թուրք պաշտոնյայի՝ մշտական խաղաղությունը կապահովի նաև Ադրբեջան-Հայաստան-Նախիջևան-Թուրքիա-Եվրոպա կապը։
