21.06.2026 | 19:02
Ջեյ Դի Վենսը հայտնել է Իրանի հետ բանակցություններում առաջընթացի մասին
«Հըզբոլլահ»-ի դեմ պատերազմը գնալով մոտենում է․ Իսրայելի պաշտպանության նախարար
Քաղաքականություն
17.09.2024 | 13:24
Լիբանանի հետ սահմանին գրեթե ամենօրյա բախումների պատճառով դիվանագիտական կարգավորման հնարավորությունները նվազում են: Այս մասին հայտարարել է Իսրայելի պաշտպանության նախարար Յոավ Գալանտը՝ ԱՄՆ նախագահի օգնականի տեղակալ, էներգետիկ անվտանգության հարցերով պետդեպարտամենտի ավագ խորհրդական Ամոս Հոքսթինի հետ հանդիպման արդյունքներով, հայտնել են Իսրայելի պաշտպանության նախարարությունից, փոխանցում է DW-ի ռուսական ծառայությունը։
«Համաձայնության հավանականությունը նվազում է, քանի որ «Հըզբոլլահ»-ը շարունակում է իրեն ասոցացնել ՀԱՄԱՍ-ի հետ և հրաժարվում է դադարեցնել հակամարտությունը»,- ասել է իսրայելցի նախարարը՝ նկատի ունենալով լիբանանյան արմատական շիա շարժմանը և պաղեստինյան արմատական իսլամիստներին:
Իսրայելի հյուսիսային սահմանին տասնյակ հազարավոր իսրայելցիներ չեն կարողանում վերադառնալ իրենց տները, ասել է Գալանտը՝ ընդգծելով, որ նրանց անվտանգությունն ապահովելու միակ միջոցը խոշոր ռազմական գործողությունն է։
Միաժամանակ, ՀԱՄԱՍ-ի քաղբյուրոյի ղեկավար Յահյա Սինվարն ասել է, որ շարժումը պատրաստ է Իսրայելում «երկար քայքայիչ պատերազմի»։
Ըստ AFP-ի գնահատականների՝ Լիբանանում բախումների հետևանքով զոհվել է առնվազն 623 մարդ, որոնցից առնվազն 142-ը խաղաղ բնակիչներ են։ Իսրայելական կողմից, ըստ իշխանությունների, զոհվել է 24 զինվոր և 26 խաղաղ բնակիչ։
