19.07.2026 | 19:39
ՌԴ-ի կողմից Կիևին հասված հարվածների հետևանքով վնասվել է նաև Ադրբեջանի դեսպանատան շենքը
Ամուրի մարզում անհետացել է Robinson R66 ուղղաթիռ, որում երեք մարդ է եղել
Քաղաքականություն
17.09.2024 | 10:47
ՌԴ Ամուրի մարզի Զեյա շրջանում, նախնական տվյալներով, կործանվել է Robinson R66 ուղղաթիռ, բռնկվել է վթարային փարոսը։ Այս մասին հայտնում է ՌԴ ԱԻՆ տարածաշրջանային գլխավոր վարչության մամուլի ծառայությունը, փոխանցում է Current Time-ը։
«Սեպտեմբերի 16-ին գործարկվել է Robinson R66 ուղղաթիռի վթարային փարոսը»,- ասվում է հրապարակման մեջ։
Գերատեսչության տվյալներով՝ ուղղաթիռում եղել է 3 մարդ, այն չգրանցված թռիչք էր իրականացնում։
Ուղղաթիռը պատկանում է «Խերգու» ոսկի արդյունահանող ընկերությանը։ Որոնողական աշխատանքները դեռևս արդյունք չեն տվել։ Որոնողական աշխատանքներում ներգրավվել է մոտ 20 մարդ, ինչպես նաև ամենագնաց մեքենաներ և Մի-8 ուղղաթիռ, հայտնել են Քաղաքացիական պաշտպանության և հրդեհային անվտանգության ծառայության Ամուրի կենտրոնից։
Robinson-ի ընկնելու նախնական վայրը Զոլոտայա Գորա գյուղի մոտ գտնվող տայգան է, գրում է Amur Mash տելեգրամ-ալիքը։
Գործ է հարուցվել ուղղաթիռի տեղաշարժի և շահագործման կանոնները խախտելու հոդվածով։
