07.10.2026 | 20:18
Ավինյանի խոստումից 4 ամիս անց․ ինչու է դադարել Արին Բերդի փողոցի 1 մլրդ դրամանոց հիմնանորոգումը. ՏԵՍԱՆՅՈՒԹ
Կուրսկի մարզում Ռիլսկի և Խոմուտովսկի շրջանների սահմանամերձ բնակավայրերի պարտադիր տարհանում է հայտարարվել
Քաղաքականություն
16.09.2024 | 22:16
ՌԴ Կուրսկի մարզում սկսվել է Ռիլսկի և Խոմուտովսկի շրջանների բնակավայրերի պարտադիր տարհանումը «անվտանգությունն ապահովելու համար»։ Այս մասին հայտարարել է շրջանի նահանգապետ Ալեքսեյ Սմիրնովը, փոխանցում է Current Time-ը։
Նրա խոսքով՝ երկու շրջաններն էլ գտնվում են «Ուկրաինայի հետ սահմանին հարող 15 կիլոմետրանոց գոտում»։ Գործընթացի համակարգումը վստահված է անվտանգության ուժերին, տեղական վարչակազմին և կամավորներին։
2024 թվականի օգոստոսի 6-ին Ուկրաինայի զինված ուժերի ստորաբաժանումները մտել են Կուրսկի շրջան։ Օգոստոսի վերջին Ուկրաինայի ԶՈՒ գլխավոր հրամանատար Ալեքսանդր Սիրսկին հայտարարեց, որ ուկրաինացի զինվորականները վերահսկում են Ռուսաստանում 100 բնակավայր։
Սեպտեմբերին ռուս զինվորականները հակահարձակման անցան տարածաշրջանում․ սեպտեմբերի 12-ին ՌԴ ՊՆ-ն հայտարարեց իր վերահսկողության տակ գտնվող 10 բնակավայրերի, իսկ սեպտեմբերի 16-ին՝ ևս երկու գյուղերի վերադարձի մասին։
