22.01.2026 | 23:29
ՀՀ տարածքում կան փակ ավտոճանապարհներ, Լարսը բաց է
Թեհրանը փորձում է ամրապնդել հարաբերություններն առաջնահերթ հարևանների հետ․ Իրանի նախագահ
Քաղաքականություն
16.09.2024 | 19:11
Իրանի նախագահ Մասուդ Փեզեշքիանն ընտրվելուց հետո առաջին մամուլի ասուլիսում հայտարարել է, որ իր կառավարությունը կաշխատի միջազգային գործընկերների հետ՝ լուծելու Ֆինանսական գործողությունների աշխատանքային խմբի (FATF) և Գործողությունների համատեղ համապարփակ ծրագրի (JCPOA) շուրջ վեճերը՝ բարելավելու երկրի արտաքին հարաբերությունները և հասնելու երկարաժամկետ նպատակներին, փոխանցում են իրանական լրատվամիջոցները։
«Մենք այլ ելք չունենք, քան լուծել FATF-ի հարցը, և այն պետք է լուծվի։ Անպայման նամակ կգրեմ Նպատակահարմարության խորհրդին՝ FATF-ի քննարկմանը նորից անդրադառնալու համար»,- ասել է նա երկրի տնտեսական խնդիրների լուծման մասին հարցին ի պատասխան։
Ինչ վերաբերում է արտաքին խնդիրներին, Իրանի նախագահը հայտարարել է, որ փորձում են ամրապնդել իրենց հարաբերություններն առաջնահերթ հարևան երկրների հետ։
«Իմ այցը Իրաք հիմնականում այս տեսակետից էր բխում, նրանց հետ պետք է համատեղ նախագծեր ունենանք։ Նույնը կարող ենք անել Պակիստանի, Ադրբեջանի, Թուրքիայի և մյուս հարևան երկրների հետ։ Աճի պահանջն ազատ շուկայի ստեղծումն է, և մենք պետք է ունենանք արտաքին կապեր ու ներդրումներ։ Մեր արտաքին դիվանագիտությունը հիմնված է լինելու պատվի, իմաստության և նպատակահարմարության վրա, և մենք գնալու ենք այս ճանապարհով»,- հայտարարել է Փեզեշքիանը։
