30.04.2026 | 23:18
ՀՀ 4 քաղաքում մթնոլորտային օդում փոշու պարունակությունը գերազանցել է սահմանային թույլատրելի կոնցենտրացիան
Ֆրանսիայի ԱԳ նախարարն այցելել է Մուսա լեռան հերոսամարտի հուշահամալիր
Քաղաքականություն
16.09.2024 | 13:48
Այցով Հայաստանում գտնվող Ֆրանսիայի Եվրոպայի ու արտաքին գործերի նախարար Ստեֆան Սեժուրնեն այցելել է Մուսա լեռան հերոսամարտի հուշահամալիր։ Այս մասին նա հայտնել է X-ում գրառմամբ։
«Մուսա լեռան հուշահամալիրում։ 1915 թվականի սեպտեմբերին, 53 օր հերոսական դիմադրությունից հետո, 4092 մուսալեռցի հայեր փրկվեցին ծովակալ Դարտիժի ֆրանսիացի նավաստիների շնորհիվ՝ մազապուրծ լինելով ցեղասպանությունից։ Մենք հիշում ենք հայ և ֆրանսիացի այս հերոսներին»,- գրել է Սեժուրնեն։
Հիշեցնենք, որ այսօր ավելի վաղ նա բանակցություններ է անցկացրել ՀՀ վարչապետ Նիկոլ Փաշինյանի և ԱԳ նախարար Արարատ Միրզոյանի հետ։
