18.07.2026 | 22:57
Երևանի Մուրացանի փողոցում տեղի ունեցած միջադեպի վայրում դի է հայտնաբերվել
Ուկրաինան հայտնել է 53 խոցված ԱԹՍ-ի մասին․ հարձակման հիմնական ուղղությունը Կիևն է եղել
Քաղաքականություն
16.09.2024 | 13:21
Կիրակի լույս երկուշաբթի գիշերը Ռուսաստանը հարձակվել է Ուկրաինայի վրա 56 «Շահեդ» տեսակի հարվածային անօդաչու թռչող սարքերով, որոնցից 53-ը խոցվել են։ Այս մասին հայտնել են Ուկրաինայի ռազմաօդային ուժերը, փոխանցում է BBC-ի ռուսական ծառայությունը։
Զեկույցի համաձայն՝ հարձակման հիմնական ուղղությունը եղել է Կիևի շրջանը։ Մայրաքաղաքում գիշերն օդային ռմբակոծության տագնապ է հայտարարվել։
«Հակառակորդի ևս երեք անօդաչու թռչող սարք կորել է մի քանի շրջաններում, նախնական տվյալներով՝ առանց տուժածների և այլ հետևանքների», – ասվում է զեկույցում։
Սա Կիևի վրա ամսվա սկզբից անօդաչու թռչող սարքերի ութերորդ հարձակումն է, ավելի վաղ հայտնել է քաղաքային ռազմական վարչակազմը։
Ի տարբերություն վերջին հարձակումների՝ այս հարձակումը զանգվածային էր: Մայրաքաղաքում օդային ռմբակոծության մասին տագնապ հայտարարվել է գիշերվա ժամը 2-ի սահմաններում և տևել է մոտ երեքուկես ժամ, հաղորդում է վարչակազմը։
Նշվում է նաև, որ ռուսական անօդաչու թռչող սարքեր են ուղարկվել Կիև «տարբեր ուղղություններով և տարբեր խմբերով», իսկ ՀՕՊ ուժերն ու միջոցները գրեթե երկու տասնյակ անօդաչու են խոցել Ուկրաինայի մայրաքաղաքի օդային տարածքում։
Ռուսական կողմը չի մեկնաբանել այս տվյալները։
