22.06.2026 | 16:24
ՍԴ-ն փաստաթղթեր է պահանջել մի շարք պետական մարմիններից․ ՔՊ-ն որպես 3-րդ անձ է ներգրավվել
Մեծ Բրիտանիայի հետախուզական ծառայության ղեկավարն այցելել է Բաքու
Քաղաքականություն
16.09.2024 | 13:40
Մեծ Բրիտանիայի հետախուզական ծառայության (MI6) ղեկավար Ռիչարդ Մուրն այցելել է Բաքու։ Մասնավորապես, սեպտեմբերի 14-ին նա Բաքվի դիվանագիտական ADA համալսարանում դասախոսություն է կարդացել, X-ի իր էջում հայտնել է համալսարանի պրոռեկտոր Ֆարիզ Իսմայիլզադեն։
Հրապարակված լուսանկարներում երևում է, որ Մուրին ուղեկցել և միջոցառմանը ներկա է գտնվել համալսարանի ռեկտորը՝ Ադրբեջանի առաջին տիկին ու փոխնախագահ Մեհրիբան Ալիևայի հորեղբայր Հաֆիզ Փաշաևը։
Այլ աղբյուրներ Մուրի այցի մասին տեղեկություններ չեն հաղորդում, այդ թվում՝ Ադրբեջանի իշխանություններն ու Բաքվում Բրիտանիայի դեսպանատունը։
Ըստ ադրբեջանական Թուրան գործակալության՝ կասկածից վեր է, որ Ռիչարդ Մուրի այցի նպատակը համալսարանում դասախոսություն կարդալը չէր։ Ամենայն հավանականությամբ, նա բանակցություններ է անցկացնելու երկրի բարձրագույն ղեկավարության հետ միջազգային և տարածաշրջանային հարցերի շուրջ։ Հնարավոր է նաև, որ նա որոշակի ուղերձներ փոխանցի արևմտյան ազդեցիկ շրջանակներից ու իր կառավարության կողմից։
«Խոսքը կարող է լինել Ռուսաստանի, Իրանի հետ հարաբերությունների, Ուկրաինայի պատերազմի մասին։ Ռիչարդ Մուրի անսպասելի այցը Բաքու տեղի է ունեցել Լոնդոնում ԱՄՆ ԿՀՎ ղեկավար Ուիլյամ Բըրնսի հետ նրա հանդիպումից մեկ շաբաթ անց: Միաժամանակ, Մուրի և Բըրնսի համահեղինակությամբ Financial Times-ը հոդված է հրապարակել միջազգային անվտանգությանը սպառնացող վտանգի մասին»,- ընդգծում է լրատվամիջոցը։
