08.10.2026 | 11:33
Դատախազությունը պահանջում է ազատել Աբովյան 8/1-ի անշարժ գույքը ընկերության ապօրինի տիրապետումից
Բելգորոդում հրթիռային հարձակումից հետո տներ ու ավտոմեքենաներ են հրդեհվել, ութ մարդ վիրավորվել է
Քաղաքականություն
16.09.2024 | 11:14
Բելգորոդում հրթիռային հարվածը հետ մղելու և բեկորների ընկնելու հետևանքով ավտոմեքենաներ և բնակելի շենքեր են այրվել, կան վիրավորներ։ Այս մասին հայտնել է Բելգորոդի մարզի նահանգապետ Վյաչեսլավ Գլադկովը, գրում է Current time-ը։
«Նախնական տվյալներով՝ վիրավորվել է ութ խաղաղ բնակիչ։ Տուժածներից մեկի վիճակը ծայրահեղ ծանր է, մնացածները միջին ծանրության վնասվածքներ ունեն»,-նշել է նա։
Վիրավորներին տեղափոխել են Բելգորոդի բժշկական հաստատություններ։ Գլադկովի խոսքով՝ ուղիղ հարվածների հետևանքով հրդեհվել է առանձնատուն և ավելի քան 15 ավտոմեքենա։ Բացի այդ՝ չորս առանձնատների տարածքում կոտրվել են ապակիներ, տանիքներ, վնասվել է գազատարը։
Ռուսական տելեգրամ ալիքներն էլ հրապարակում են հարվածների և դրանց հետևանքների տեսանյութերը։ Կադրերում երևում են այրվող տներ ու մեքենաներ։
Մինչ այս Բելգորոդում և շրջանում հրթիռային հարվածի սպառնալիք էր հայտարարվել, իսկ հետո մի քանի պայթյուններ էին տեղի ունեցել։
