09.09.2026 | 12:23
Ուկրաինական ԱԹՍ-ները գրոհել են Նովոռոսիյսկը․ զոհվել է 4, վիրավորվել՝ 29 մարդ
Ուկրաինան ԵՄ երկրներից էլեկտրաէներգիայի շտապ մատակարարումներ է խնդրել
Քաղաքականություն
13.09.2024 | 18:32
Ուկրաինան ԵՄ երկրներին խնդրել է սկսել էլեկտրաէներգիայի վթարային մատակարարումները էլեկտրաէներգիայի համատարած անջատումների պատճառով, հաղորդում է ազգային էներգետիկական «Ուկրէներգո» ընկերությունը:
«Այսօր էներգետիկ համակարգում դեֆիցիտը հաղթահարելու համար ՆԷԿ «Ուկրէներգո»-ի խնդրանքով, Ուկրաինա էլեկտրաէներգիայի վթարային մատակարարում է իրականացվում Լեհաստանի, Սլովակիայի և Ռումինիայի էներգահամակարգերից։ Երեկ՝ սեպտեմբերի 12-ին, վթարային օգնություն է ժամանել նաև Սլովակիայից և Լեհաստանից»,- ասվում է ընկերության հաղորդագրության մեջ:
«Ուկրէներգո»-ի տվյալներով՝ ռազմական գործողությունների և այլ պատճառներով երկրի ընդհանուր 562 բնակավայր ամբողջությամբ կամ մասամբ հոսանքազրկված է։ Մարտերի պատճառով էլեկտրաէներգիայի անջատումներ են տեղի ունեցել Դոնեցկի, Խերսոնի, Խարկովի, Օդեսայի և Իվանո-Ֆրանկիվսկի շրջաններում։
Եղանակային պայմանների պատճառով էլ Ժիտոմիրի, Կիևի, Չեռնիգովի և Կիրովոգրադի շրջանների 41 բնակավայր է մնացել առանց էլեկտրականության։
