26.06.2026 | 21:09
Իրանը վերահաստատել է Հորմուզի նեղուցում նավագնացությունը վերահսկելու իր իրավունքը ու զգուշացրել Պարսից ծոցի երկրներին
Քոլեջներում դիմորդների ընդունելության աճ կա. ԿԳՄՍ նախարար․ ՏԵՍԱՆՅՈՒԹ
Հասարակություն
13.09.2024 | 14:32
Այս տարի շարունակվում է դպրոցներում հանրակրթության նոր պետական չափորոշչի ներդրման գործընթացը, այս մասին այսօր հրավիրված մամուլի ասուլիսի ժամանակ տեղեկացրեց ԿԳՄՍ նախարար Ժաննա Անդրեասյանը։ Այս պահին 12 դասարանից 7-ում ուսումնական գործընթացը կազամակերպվում է նոր չափորոշչով։
Անդրեասյանի խոսքով՝ նոր չափորոշիչներով են աշխատում նաև նախակրթական հաստատություններում։
«Արդեն 190 մանկապարտեզում նոր չափորոշիչը ներդրվել է և վերապատրաստման գործընթաց ենք սկսել։ Այս տարի քոլեջներում ընդունելության լավ արդյունքներ ենք գրանցել, և դա շատ ուրախացնող է»,- փաստեց Անդրեասյանը։
ԿԳՄՍ նախարարը նաև հայտնեց, որ Հայաստանի դպրոցներում նախորդ տարի աշխատանքի է անցել ավելի քան 3000 նոր ուսուցիչ, որոնց 16 տոկոսը տղամարդիկ են:
«Նոր ուսուցիչների շուրջ 16 տոկոսը տղամարդ ուսուցիչներ են, ինչն ուրախալի արդյունք է: Մեր վիճակագրությունն ավելի վատ ցուցանիշներ ուներ: Սա նշանակում է, որ դպրոց նոր մուտք գործող ուսուցիչների մեջ տղամարդկանց թիվը նախորդ տարիների համեմատ ավելի մեծ է»,- նշեց նա։
Բացի այդ, Անդրեասյանի փոխանցմամբ՝ Լեռնային Ղարաբաղից բռնի տեղահանված և Հայաստանում հաստատված ավելի քան 500 ուսուցիչ աշխատանքի է անցել կրթական հաստատություններում։
Մանրամասները՝ տեսանյութում։
