11.08.2026 | 00:05
Երկրաշարժ Վարդենիս քաղաքից 26 կմ հյուսիս-արևելք
Միավորված Wildberries-ը և Russ-ը 27 միլիարդ ռուբլու հայց են նախապատրաստում Wildberries-ի հիմնադրի ամուսնու ընկերության դեմ
Քաղաքականություն
13.09.2024 | 16:26
«РВБ» ՍՊԸ-ն՝ Wildberries-ի ու Russ խմբի սեփականատիրոջ համատեղ կազմակերպությունը, 27 միլիարդ ռուբլու հայց է նախապատրաստում ընդդեմ «ՎԲ Դեվելոփմենթի», ասված է միավորված ընկերության հայտարարության մեջ, գրում է Ինտերֆաքսը։
««ՎԲ Դեվելոփմենթի» պարտավորությունների նախնական աուդիտի ընթացքում հայտնաբերվել է 65 պայմանագրերով Wildberries-ի հանդեպ պարտավորություններ, որոնք կնքվել են 2021-2024 թթ 26 միլիարդ 987,7 միլիոն ռուբլու չափով»,- հայտնում է ընկերությունը։
Իրավաբանական անձանց միասնական պետական ռեգիստրի տվյալներով «ՎԲ Դիվելփմենթ» ՍՊԸ-ի միակ սեփականատերը Վլադիսլավ Բակալչուկն է («Wildberries»-ի հիմնադիր Տատայանա Բակալչուկի ամուսինը)։
РВБ -ն պնդում է, որ ընկերությունը չի կատարել պայմանագրերով ստանձնած պարտավորությունները, մինչդեռ Wildberries-ի կողմից բոլոր պարտավորությունները կատարվել են, իսկ կանխավճարները փոխանցվել են «ՎԲ Դեվելոփմենթի»-ին։
Հուլիսի սկզբին «Wildberries»-ը և «Russ»-ը ստեղծեցին նոր համատեղ ընկերություն՝ «РВБ» ՍՊԸ-ն՝ 20 միլիոն ռուբլի կանոնադրական կապիտալով։ Գլխավոր տնօրենը Ռոբերտ Միրզոյանն է, որը նաև «Russ» ընկերությունների գործադիր տնօրենն է:
