25.06.2026 | 13:56
Հրապարակվել է բասկետբոլի Հայաստանի Մ16 հավաքականի հայտացուցակը՝ Երևանում կայանալիք Եվրոպայի C դիվիզիոնի մրցաշարում
Շոյգուն Փհենյանում հանդիպել է Կիմ Չեն Ինի հետ
Քաղաքականություն
13.09.2024 | 15:32
Հյուսիսային Կորեայի առաջնորդ Կիմ Չեն Ինը Փհենյանում ընդունել է Անվտանգության խորհրդի քարտուղար Սերգեյ Շոյգուի գլխավորած ՌԴ պատվիրակությանը։ ԱԽ մամուլի ծառայությունից հայտնում են, որ հանդիպման ընթացքում կողմերը քննարկել են երկկողմ և միջազգային օրակարգի հարցեր, փոխանցում է Կոմերսանտը։
«Փհենյանում հանդիպումներն անցել են չափազանց վստահելի, բարեկամական մթնոլորտում՝ երկու երկրների ղեկավարների միջև ձեռք բերված պայմանավորվածություններին համապատասխան, որոնք ձեռք են բերվել Ռուսաստանի Դաշնության նախագահ Վլադիմիր Պուտինի պետական այցի ընթացքում»,- ասվում է մամուլի ծառայության տարածած հաղորդագրությունում, որը տեղադրված է Անվտանգության խորհրդի կայքէջում։
Վլադիմիր Պուտինի այցը ԿԺԴՀ տեղի է ունեցել հունիսի 18-19-ը։ Ուղևորության արդյունքում ստորագրվել է ռազմավարական գործընկերության մասին համաձայնագիր, որը ենթադրում է ռազմական օգնության տրամադրում կողմերից մեկի վրա հարձակման դեպքում։ Փաստաթուղթը փոխարինել է 1961, 2000 և 2001 թվականներին երկրների միջև ստորագրված նախկին համաձայնագրերին։
