05.04.2026 | 21:21
Բախվել են VAZ և KIA մակնիշների ավտոմեքենաները․ կան տուժածներ և զոհ
Սպիտակ տունը հրաժարվել է մեկնաբանել ՆԱՏՕ-ի և Ուկրաինայի մասին Պուտինի խոսքերը
Քաղաքականություն
13.09.2024 | 12:32
Սպիտակ տան մամուլի քարտուղար Կարին Ժան-Պիերը հրաժարվել է ճեպազրույցում պատասխանել ՆԱՏՕ-ի և Ուկրաինայի հակամարտության վերաբերյալ ՌԴ նախագահ Վլադիմիր Պուտինի վերջին հայտարարության վերաբերյալ հարցին։ ՌԴ նախագահն ասել էր, որ արևմտյան հեռահար զինատեսակների հարվածները ռուսական տարածքում կնշանակեն ՆԱՏՕ-ի մասնակցությունը ռուս-ուկրաինական հակամարտությանը։
«Ես չեմ պատրաստվում տրվել ենթադրություններին։ Ես ներքաղաքական քննարկումները չեմ մանրամասնի»,- լրագրողի հարցին ի պատասխան ասել է Ժան Պիերը։ Ճեպազրույցը հեռարձակվել է C-Span-ով։
Վլադիմիր Պուտինը սեպտեմբերի 12-ին հայտարարել էր, որ արևմտյան երկրների «ուղղակի մասնակցությունը» հակամարտությանը «էականորեն փոխում է» դրա էությունն ու բնույթը։ Դրան, հավելել է նա, կհետևեն ռուսական կողմից համապատասխան որոշումներ։
