22.02.2026 | 12:41
Վթարային ջրանջատում Երևանում և Սյունիքում
ՌԴ ՊՆ-ն հայտնել է վեց շրջաններում 20 ԱԹՍ-ի ոչնչացման մասին
Քաղաքականություն
13.09.2024 | 10:59
Ռուսաստանի պաշտպանության նախարարությունը հայտնել է վեց շրջանների տարածքում ուկրաինական 20 անօդաչու թռչող սարքի ոչնչացման մասին, գրում է Current Time-ը։
Գերատեսչության տվյալներով՝ ութ ԱԹՍ է խոցվել Բրյանսկի, չորսը՝ Բելգորոդի, երեքը՝ Կուրսկի, երկուսը՝ Սմոլենսկի և Օրելի, ևս մեկը՝ Կալուգայի շրջանի տարածքում։ Կուրսկի շրջանի նահանգապետ Ալեքսեյ Սմիրնովը գիշերը գրել է հրթիռային հարձակման վտանգի մասին։ Կալուգայի շրջանի ղեկավար Վլադիսլավ Շապշան էլ հայտնել է, որ շրջանի երկնքում մեկ անօդաչու թռչող սարք է խոցվել, տեղում աշխատում են օպերատիվ խմբերը։ Այլ մանրամասներ նա չի հայտնել։
Ուկրաինական կողմը դեռ չի մեկնաբանել ՌԴ պաշտպանության նախարարության հաղորդագրությունը։
