19.07.2026 | 11:32
Ահազանգ է ստացվել, որ Կապան քաղաքի Բաղաբերդ թաղամասում այրվում է տնակ․ ՆԳՆ
ՌԴ ՊՆ-ն հայտարարել է Կուրսկի շրջանի 10 գյուղերի գրավման մասին
Քաղաքականություն
12.09.2024 | 18:10
ՌԴ Պաշտպանության նախարարությունը պնդում է, որ երկու օրվա ընթացքում Կուրսկի շրջանում հակահարձակման արդյունքում Ուկրաինայի զինված ուժերից ազատագրվել է 10 բնակավայր՝ Ապանասովկա, Բյախովո, Վիշնևկա, Վիկտորովկա, Վզապնոյե, Գորդեևկա, Կրասնոկտյաբրսկոյե, Օբուխովկա, Սնագոստ և Օկտյաբր, գրում է BBC-ի ռուսական ծառայությունը։
Բացի այդ, ըստ հաղորդագրության, Ֆանասեևկա և Սնագոստ բնակավայրերի ուղղությամբ «անդրադարձվել է հակառակորդի երկու հակագրոհ», իսկ Օլգովկա բնակավայրի ուղղությամբ «խափանվել է հարձակման փորձ»։
Ռուսական և ուկրաինական տելեգրամ-ալիքները սկսել են հաղորդել Կուրսկի շրջանում ռուս զինվորականների հարձակման մասին սեպտեմբերի 10-ի երեկոյան։ Մասնավորապես, ուկրաինական Deep State նախագիծը հայտնել է, որ ռուս զինվորականները «սկսել են ակտիվ գրոհային գործողություններ՝ զրահատեխնիկա տեղափոխելով նախ Սեյմ գետի, այնուհետև ավելի փոքր գետերի վրայով»։
Ռուսաստանը կարողացել է զրահատեխնիկա տեղափոխել Սեյմ գետով՝ չնայած կամուրջների վրա ուկրաինական հարձակումներին, գրում է ամերիկացի ռազմական փորձագետ Ռոբ Լին։
Դատելով ISW-ի փորձագետների տվյալներից՝ ռուսական զորքերին հաջողվել է վերականգնել վերահսկողությունը մի քանի բնակավայրերի նկատմամբ, սակայն Ուկրաինայի զինված ուժերը ևս գրոհել են առաջ շարժվող ռուսական զորքերը։
