26.12.2025 | 23:15
Ալիևն Արցախում իր ընտանիքին պատկանող հերթական հյուրանոցն է բացել
Փարիզը դատապարտել է Ադրբեջանի կողմից Ֆրանսիայի քաղաքացուն 3 տարվա ազատազրկման դատապարտելու որոշումը
Քաղաքականություն
12.09.2024 | 22:30
Փարիզը հայտարարություն է տարածել Բաքվի կողմից Ֆրանսիայի քաղաքացուն երեք տարվա ազատազրկման դատապարտելու կապակցությամբ։
«Ֆրանսիան դատապարտում է կամայական և բացահայտ խտրական վերաբերմունքը, որի զոհն է դարձել Ադրբեջանում մեր հայրենակից Թեո Կլերկը։ Նա սեպտեմբերի 10-ին ադրբեջանական դատարանի կողմից դատապարտվել է երեք տարվա ազատազրկման՝ մետրոյում գրաֆիտիի համար, մինչդեռ մյուս երկու ամբաստանյալները, այլ ազգության ներկայացուցիչներ, ճիշտ նույն արարքի համար դատապարտվել են ուղղակի տուգանքի»,- ասվում է Ֆրանսիայի ԱԳՆ-ի հայտարարության մեջ։
Նշվում է, որ անցյալ տարվա ապրիլին Կլերկին ձերբակալելուն պես Բաքվում Ֆրանսիայի դեսպանատունը կապ է հաստատել Ադրբեջանի իրավասու մարմինների հետ՝ հյուպատոսական հարաբերությունների մասին Վիեննայի կոնվենցիայի դրույթներին համապատասխան հյուպատոսական պաշտպանություն իրականացնելու համար, նաև մասնակցել բոլոր դատավարություններին:
«Ի դեպ, Ֆրանսիայի քաղաքացիներին, այդ թվում՝ երկքաղաքացիություն ունեցողներին, խորհուրդ չի տրվում, բացառությամբ խիստ անհրաժեշտ պատճառների, մեկնել Ադրբեջան՝ այդ երկրում կամայական կալանավորման և անարդար դատավարությունների վտանգի պատճառով, որի դատական համակարգը անկախության որևէ երաշխիք չի տալիս կամ իրավունքների պաշտպանության հարցերում»,- ընդգծում է Ֆրանսիայի ԱԳՆ-ն։
Հիշեցնենք, որ Բաքվի Նարիմանովի շրջանային դատարանը վճիռ է կայացրել երեք օտարերկրացիների գործով, որոնք գրաֆիտի էին նկարել Ադրբեջանի մայրաքաղաքի մետրոյի վագոնների վրա։ Օտարերկրացիներն են՝ Ֆրանսիայի քաղաքացի Կլերկ Թեո Հյուգոն, Նոր Զելանդիայի քաղաքացի Քվենտին դե-Սենտ Իսմայիլն ու Ավստրալիայի քաղաքացի Հան Փոլը։
Ուշագրավ է, որ Ֆրանսիայի քաղաքացին դատապարտվել է 3 տարվա ազատազրկման, իսկ մյուսները տուգանվել են 6,800 մանաթով (շուրջ 3,500 եվրո)։
