07.10.2026 | 23:48
Արթուր Դանիելյանը կալանավորվեց
Ջո Բայդենը Դոնալդ Թրամփի նախընտրական արշավի գլխարկն է դրել
Քաղաքականություն
12.09.2024 | 16:56
ԱՄՆ նախագահ Ջո Բայդենը 2001 թվականի սեպտեմբերի 11-ի ահաբեկչության զոհերի հիշատակին նվիրված միջոցառման ժամանակ Փենսիլվանիայի Շանսվիլ քաղաքում Դոնալդ Թրամփի նախընտրական արշավին գլխարկն է դրել։ Այդ գլխարկով ԱՄՆ նախագահի լուսանկարը հրապարակել է Թրամփի նախընտրական շտաբը X սոցիալական ցանցում:
Սպիտակ տան մամուլի քարտուղարի տեղակալ Էնդրյու Բեյթսը հայտնել է, որ ԱՄՆ նախագահը ելույթ է ունեցել հրշեջ կայանում, որտեղից ոչ հեռու կործանվել է ահաբեկիչների կողմից առևանգված ինքնաթիռներից մեկը։ Այնտեղ Ջո Բայդենը հայտարարել է «երկրի միասնության» վերականգնման անհրաժեշտության մասին, ինչպես դա տեղի ունեցավ ահաբեկչությունից հետո՝ անկախ քաղաքացիների կուսակցական նախապատվություններից։
«Որպես ժեստ՝ նա գլխարկը տվել է Թրամփի կողմնակիցներից մեկին, որը հետո ասել է, որ Բայդենը պետք է կրի Թրամփի արշավի գլխարկը: Նա մի որոշ ժամանակ դրել է այն»,- պարզաբանել է Բեյթսը։
Դոնալդ Թրամփի թիմի ներկայացուցիչները շնորհակալություն են հայտնել նախագահ Բայդենին ժեստի համար՝ X սոցցանցի էջում գրելով. «Շնորհակալություն աջակցության համար, Ջո»։
ԱՄՆ նախագահական ընտրությունները նախանշված են նոյեմբերի 5-ին։ ԱՄՆ նախկին նախագահ Դոնալդ Թրամփը և փոխնախագահ Քամալա Հարիսն առաջադրվել են որպես թեկնածուներ Հանրապետական և Դեմոկրատական կուսակցություններից։
ABC հեռուստաալիքով թեկնածուների միջև տեղի է ունեցել բանավեճերի առաջին փուլը։
