07.05.2025 | 23:30
Ադրբեջանում բռնաճնշումները շարունակվում են․ անկախ լրագրողի և քաղակտիվիստի են ձերբակալել
Բեն Լադենին սպանած հատուկ ջոկատայինները պատրաստվում են Թայվան Չինաստանի ներխուժմանը․ FT
Քաղաքականություն
12.09.2024 | 23:00
Ամերիկյան Seal Team 6-ը, որը սպանել է Ալ-Քաիդայի առաջնորդ Ուսամա բեն Լադենին 2011 թվականին, պատրաստվում է Թայվանին աջակցելու առաքելությանը՝ կղզի Չինաստանի հնարավոր ներխուժման դեպքում: Այս մասին հայտնում է Financial Times (FT) պարբերականը՝ վկայակոչելով նախապատրաստական աշխատանքներին ծանոթ աղբյուրներին։
Վաշինգտոնից մոտ 250 կմ հարավ-արևելք՝ Վիրջինիա Բիչում գտնվող խմբի կենտրոնակայանում մեկ տարուց ավելի է, ինչ նախապատրաստական աշխատանքներ են տարվում, գրում է թերթը։
Ըստ FT-ի՝ տեմպերն ակտիվացել են այն բանից հետո, երբ 2021 թվականին ԱՄՆ-ի Հնդկախաղաղօվկիանոսյան տարածաշրջանի նախկին հրամանատար Ֆիլ Դևիդսոնը նախազգուշացրել է, որ Չինաստանը կարող է հարձակվել Թայվանի վրա վեց տարվա ընթացքում:
Պենտագոնի ներկայացուցիչը թերթին ասել է, որ գերատեսչությունը և ամերիկյան ուժերը «պատրաստվում և մարզվում են մի շարք անսպասելի դեպքերի համար»:
