09.09.2026 | 10:41
Հրդեհ Քարաբերդում․ այրվել է մոտ 700 հակ անասնակեր
Դուրովը համագործակցում է Ֆրանսիայի հակահետախուզության հետ․ Libération
Քաղաքականություն
12.09.2024 | 15:30
Telegram մեսենջերի հիմնադիր Պավել Դուրովը Փարիզում հարցաքննության ժամանակ ասել է, որ կապ է պահպանում Ֆրանսիայի ներքին անվտանգության գլխավոր վարչության (DGSI, հակահետախուզություն) ներկայացուցիչների հետ, մասնավորապես, նրանց հետ հանդիպել է Դուբայում, գրում է Libération պարբերականը՝ հղում անելով իր աղբյուրին:
Աղբյուրի համաձայն՝ Դուրովը հասկացրել է, որ իր համար տեղին չէր լինի բացահայտել ռազմական գաղտնիք պարունակող տեղեկատվությունը։ Թերթը չի պարզաբանել, թե ինչի մասին է խոսքը։
Աղբյուրը նաև հայտնել է, որ Դուրովը, իր իսկ խոսքով, «ահաբեկչության դեմ պայքարի շրջանակում DGSI-ի հետ բացել է պաշտոնական կապի ալիք թեժ գծով և հատուկ էլփոստի հասցեով»։ Պարբերականի տվյալներով՝ Փարիզում ձերբակալվելուց հետո Դուրովը պատրաստակամություն է հայտնել համագործակցել ֆրանսիական իրավապահ մարմինների հետ և նրանց է տրամադրել իր բջջային հեռախոսը՝ դրան մուտքի կոդով։
Telegram-ը հրաժարվել է համագործակցել Եվրամիության իշխանությունների հետ, մոդերատորության հարցերում մեսենջերի քաղաքականությունը նույնպես Դուրովին ուղղված քննադատություն է առաջացրել, իր հերթին նշել է Le Monde-ը։
Ֆրանսիայի արդարադատության նախարարության պաշտոնյան էլ Politico-ին հայտնել է, որ Telegram-ը հրաժարվել է համագործակցել, մասնավորապես, Ֆրանսիայի իշխանությունների հետ, ինչը Փարիզում հիասթափություն է առաջացրել։
