07.10.2026 | 23:48
Արթուր Դանիելյանը կալանավորվեց
Հյուսիսային Կորեան բալիստիկ հրթիռ է արձակել Ճապոնական ծովի ուղղությամբ
Քաղաքականություն
12.09.2024 | 14:17
ԿԺԴՀ-ն անհայտ բալիստիկ հրթիռ է արձակել Ճապոնական ծովի ուղղությամբ, հայտնում է Yonhap գործակալությունը՝ հղում անելով Ճապոնիայի առափնյա պահպանության ծառայությանը։
Kyodo գործակալությունը, հղում անելով Ճապոնիայի պաշտպանության նախարարության աղբյուրին, գրում է, որ հրթիռը, հավանաբար, ծովն է ընկել Ճապոնիայի բացառիկ տնտեսական գոտուց դուրս։ Հրթիռի թռիչքի հեռահարության և բարձրության մասին տեղեկություն չի հաղորդվում։
Վերջին անգամ Հյուսիսային Կորեան դեպի արևելք բալիստիկ հրթիռ է արձակել հուլիսի 1-ին։ Կորեայի կենտրոնական լրատվական գործակալության (KCNA) հաղորդմամբ՝ երկիրը հաջողությամբ փորձարկել է Hwasong-11da-4.5 նոր մարտավարական բալիստիկ հրթիռը։ Այն ունի 4,5 տոննա քաշով գերխոշոր մարտագլխիկ։
Մինչ այս՝ հունիսի 26-ին, Փհենյանն արկ էր արձակել դեպի Ճապոնական ծով։ Այն ժամանակ Հյուսիսային Կորեան պնդում էր, որ հաջողությամբ փորձարկել է անջատվող մարտագլխիկներով հրթիռներ: Սեուլը ենթադրում է, որ Փհենյանը գերձայնային հրթիռի փորձնական արձակում է իրականացրել, որն ավարտվել է անհաջողությամբ։
