09.09.2026 | 10:41
Հրդեհ Քարաբերդում․ այրվել է մոտ 700 հակ անասնակեր
Իրանը Իրաքի հետ անվտանգության համաձայնագրի կնքման անհրաժեշտություն է տեսնում
Քաղաքականություն
12.09.2024 | 13:43
Իրանի նախագահ Մասուդ Փեզեշքիանը Իրաք այցի ընթացքում խոսել է այդ երկրի հետ անվտանգության համաձայնագրի կնքման անհրաժեշտության մասին։ Նրա խոսքով՝ դա անհրաժեշտ է երկու երկրներում զբոսաշրջիկների ու գործարարների անվտանգ գտնվելու համար, փոխանցում է Tasnim գործակալությունը։
«Մենք պետք է ունենանք անվտանգության համատեղ համաձայնագրեր՝ բոլոր ճանապարհորդների, գործարարների և այլոց համար անվտանգության համապատասխան պայմաններ ապահովելու նպատակով։ Առանց երկու երկրների միջև անվտանգության համակարգման այս նպատակին հնարավոր չէ հասնել»,- ասել է Փեզեշքիանը Իրաքի պետական հեռուստատեսությանը տված հարցազրույցում։
Մասուդ Փեզեշքիանը Բաղդադ է ժամանել նախօրեին։ Սա նրա առաջին արտասահմանյան այցն է որպես նախագահ։ Նրա երդմնակալությունը տեղի է ունեցել հուլիսի 30-ին։
Ակնկալվում է, որ Իրաքում Փեզեշքիանը բանակցություններ կվարի իշխանության բոլոր թևերի ղեկավարների հետ, ինչպես նաև կայցելի երկրի տարբեր քաղաքներ՝ հարավից հյուսիս։
Հավելենք, որ անցյալ շաբաթ Իրանի նախագահն առաջարկել է երկրի մայրաքաղաքը Թեհրանից տեղափոխել այլ վայր: Թեհրանի խնդիրներից նա նշել է ջրի պակասը, օդի աղտոտվածությունը, հողի նստեցումը։ Նրա կարծիքով՝ պետության գլխավոր քաղաքը պետք է լինի հարավում։
